Almaniyanın “Der Spiegel” jurnalı yazır ki, Rusiya Silahlı Qüvvələrinin daha ciddi uğurları olacağı təqdirdə Baltikyanı ölkələr və Polşa Ukraynaya qoşun yeridə bilər.

Oxu24.com xəbər  verir  ki, materialda deyilir ki, müxtəlif ölkələrin nümayəndələri belə bir xəbərdarlığı ötən həftə Estoniyada keçirilən təhlükəsizlik konfransında səsləndiriblər.

Onların fikrincə, Rusiya Federasiyası Ukraynanın şərqində strateji irəliləyişə nail olsa, vəziyyət daha da pisləşə bilər.

“Baltikyanı siyasətçilər xəbərdarlıq ediblər ki, bu halda Baltikyanı ölkələr və Polşa rus qoşunlarının öz sərhədlərinə çatmasını gözləməyəcək, ona görə də Ukraynaya özləri qoşun göndərəcəklər”, - jurnal qeyd edir.

Müəlliflər əlavə ediblər ki, bu halda Şimali Atlantika Alyansı münaqişə tərəflərindən birinə çevriləcək.

Daha əvvəl Macarıstanın xarici işlər naziri Peter Szijyarto vurğulamışdı ki, avropalı siyasətçilərin Ukraynaya hərbi personal göndərilməsi ilə bağlı bəyanatları çılğın və təhlükəlidir.

Miri