Papua-Yeni Qvineyada torpaq sürüşməsi nəticəsində yüzlərlə insan həlak olub

Papua Yeni Qvineyanın şimalında baş verən sürüşmə 670-dən çox insanın həyatına son qoya bilər.

 

Oxu24.com xəbər  verir  ki, bu barədə Beynəlxalq Miqrasiya Təşkilatının (BMqT) məlumatlarına istinadən Associated Press xəbər agentliyi məlumat yayıb.

 

Beynəlxalq Miqrasiya Təşkilatının ölkədəki missiyasının rəhbəri Serhan Aktoprak bildirib ki,  hazırda 670-dən çox insanın yerin altında olduğu təxmin edilir.

 

Məlumatda  qeyd olunur ki, dövlət rəhbərliyi hazırda təbii fəlakətin nəticələrinin aradan qaldırılması üçün əlavə yardıma ehtiyac olub-olmaması barədə düşünür.

 

Bu, beynəlxalq ictimaiyyətdən rəsmi dəstək tələbidir.

 

Mayın 23-də Papua-Yeni Qvineyanın şimalında yerləşən Kaokalam kəndində torpaq sürüşməsi baş verib. Qəsəbə ölkənin paytaxtı Port Moresbidən 600 km aralıda yerləşir.

 

Britaniyanın “The Guardian” qəzetinin yazdığı kimi, nəticədə 1000-dən çox yaşayış binası dağıntılar altında qalıb. Baş nazir Ceyms Marape vəziyyəti şərh edərək, təbii fəlakətdən zərər çəkmiş vətəndaşların ailələrinə başsağlığı verib.

 

Nigar