ABŞ ordusu Gürcüstanın Müstəqillik Günü paradında iştirak etmir

Bir neçə ildən sonra ilk dəfədir ki, amerikalı hərbçilər Gürcüstanın Müstəqillik Günü paradında iştirak etmirlər.

 

Oxu24.com xəbər verir  ki,bu barədə TASS məlumat yayıb.

 

Parad Tbilisidə Azadlıq meydanında keçirilir. Tədbir yerli telekanallar tərəfindən yayımlanacaq.

 

Ötən illərdə ABŞ hərbi birləşmələrindən biri paradda Gürcüstan hərbi birləşmələrinin nümayəndələri ilə birlikdə yürüş edib və yeni çağırışçıların andiçmə mərasimində iştirak edib.

 

Qeyd olunur ki, bu il paradda yalnız gürcü bölmələri iştirak edib.

 

Mayın 24-də Gürcüstan parlamentinin Prosessual Məsələlər və Qaydalar Komitəsinin sədri İrakli Kadagişvili bildirib ki, ölkə hakimiyyəti Qərb tərəfdaşlarının təzyiq və şantajına məruz qalır.

 

Bundan az əvvəl məlum olmuşdu ki, Gürcüstanda xarici agentlər haqqında qanunun qəbulu ilə əlaqədar ABŞ Tbilisi ilə münasibətlərə yenidən baxacaq və onu dəstəkləyən məmurlara qarşı viza məhdudiyyəti tətbiq edəcək.

 

 

Bundan əvvəl Gürcüstanın baş naziri bildirib ki, Avropa komissarı ona Fikonun taleyinin təkrarlanacağına eyham vurub.

 

Miri