Beynəlxalq Ədalət Məhkəməsinin İsraillə bağlı Rəfah əməliyyatını dayandırmaq qərarı məcburidir.

Oxu24.com  xəbər verir ki, bunu BMT-nin baş katibi Antonio Quterreş bildirib.

"Baş katib xatırladır ki, məhkəmənin Nizamnaməsinə və Əsasnaməsinə uyğun olaraq qərarlar məcburidir", - təşkilatın şərhində aydınlıq gətirilib.

Quterreş ümid etdiyini bildirib ki, tərəflər “qərarları layiqincə yerinə yetirəcəklər”.

BMT-nin mətbuat xidməti vurğulayıb ki, baş katib məhkəmənin təyin etdiyi müvəqqəti tədbirlər barədə bildirişi dərhal Təhlükəsizlik Şurasına göndərəcək.

Cümə günü, mayın 24-də məlum olub ki, Beynəlxalq Ədalət Məhkəməsi İsrail qoşunlarının Qəzza zolağının Rəfah şəhərində əməliyyatı dərhal dayandırması barədə qərar verib.

Məhkəmənin qərarını məhkəmənin sədri Nəvaf Salam elan edib və vurğulayıb ki, İsrail də humanitar yardımların ora axmasına imkan yaratmaq üçün quru keçidlərini, xüsusən də Rəfah keçidini açıq saxlamalıdır.

Bundan əvvəl ABŞ Dövlət Departamenti İsrailin Rəfah şəhərindəki əməliyyatının bölgədə anarxiyaya səbəb ola biləcəyini bildirmişdi.

Nigar