ABŞ-da siqaret çəkənlər kütləvi şəkildə siqaretdən imtina edərək alternativ tüstüsüz nikotin məhsullarına üstünlük verirlər.

 

Oxu24.com xəbər  verir  ki,bu barədə The Wall Street Journal məlumat yayıb.

 

Nəşrin məlumatına görə, alternativ məhsullar - məsələn, tütün qızdırıcı sistemləri, elektron siqaretlər, nikotin kisələri bazarın 40%-ni tutub.

 

Bazarın 60%-ni ənənəvi siqaretlər təşkil edir.

 

Siqaret tüstüsü zərərli maddələrin maksimum miqdarını ehtiva edir.

 

Alternativ məhsulların aerozolunda siqaret tüstüsündən əhəmiyyətli dərəcədə aşağı zərərli maddələr var.

 

Müqayisə üçün: 2018-ci ildə Amerika bazarında siqaretin payı 80% təşkil edib. Bu tendensiya davam edərsə, yaxın üç il ərzində amerikalılar siqaretdən daha çox vap və ya nikotin kisələri almağa başlayacaqlar.

 

Bu barədə  The Wall Street Journal proqnozlaşdırır.

 

Alternativ məhsullara maraq durmadan artır. Siqaret satışı azalır (2022-ci ildə 10,9 milyard qutu və keçən il 10 milyard qutudan az).

 

Lakin satılan alternativ tüstüsüz nikotin məhsullarının sayı ötən il ərzində demək olar ki, iki dəfə artıb - 2022-ci ildəki 3,8 milyard paketdən 2023-cü ildə 6,64 milyarda qədər.

 

Mütəxəssislər zərərli maddələrə məruz qalmalarını azaltmaq istəyən siqaret çəkənlər üçün mövcud alternativlərin artmasına müsbət yanaşırlar. Ancaq yadda saxlamaq lazımdır ki, nikotin məhsullarından tamamilə imtina etmək ən yaxşı nəticə verir.

 

Nigar

 

Oxu24.com