Rəisinin  cənazəsi Tehrana gətirilib

İranın Şərqi Azərbaycan vilayətində helikopter qəzasında həyatını itirən prezident İbrahim Rəisi, xarici işlər naziri Hüseyn Əmir Əbullahiyan və digər rəsmilərin cənazələri Təbriz şəhərindən paytaxt Tehrana gətirilib.
 

Oxu24.com xəbər  verir  ki, Paytaxtın Mehrabad hava limanına gətirilən cənazələrin qarşılanma mərasimi olub.

 

Dəfn mərasiminin təşkilat komitəsindən verilən məlumata görə, Rəisi və onu müşayiət edənlər üçün cənazə namazı çərşənbə günü Tehranda qılınacaq.

 

Cənazə mərasiminin İnqilab Meydanından Azadi Meydanına qədər davam edəcəyi paylaşılan açıqlamada namazdan sonra vətəndaşlardan ictimai nəqliyyatla əraziyə gəlmələri istənilib.

 

Tehranda keçiriləcək mərasimdə İran lideri Əli Xamneyinin cənazə namazı qılması gözlənilir.

 

Əvvəlki açıqlamalarda cəsədlərin Tehrandakı mərasimdən sonra cümə axşamı Məşhəd şəhərində dəfn ediləcəyi açıqlanıb.

 

Miri