Misir İsrailin Rəfaha qarşı hərbi əməliyyatını "qəti şəkildə" rədd edir

Misirin xarici işlər naziri Samih Şükri İsrailin Rəfah şəhərinə qarşı hərbi əməliyyatını qəti şəkildə rədd etdiklərini və bu məsələ ilə bağlı birmənalı xəbərdarlıq etdiklərini bildirib.

Oxu24.com xəbər  verir  ki, Xarici İşlər Nazirliyindən verilən məlumata görə, Şükri paytaxt Qahirəyə səfər edən Almaniyanın xarici işlər naziri Annalena Baerbok ilə görüşüb.

 

Görüşdə Qəzzada tezliklə atəşkəs və sülhün bərqərar olmasının vacib olduğunu bildirən Şükri, Misirin bu istiqamətdəki səyləri və vasitəçilik fəaliyyəti haqqında məlumat verib.

 

Şükri vurğulayıb ki, o, “İsrailin Misirin Rəfah şəhərinə qarşı hər hansı hərbi əməliyyatını qəti şəkildə rədd edir və birmənalı şəkildə xəbərdar edir, çünki bu, nəzarətdən çıxacaq humanitar fəlakətə və görünməmiş problemlərə gətirib çıxaracaq”.

 

Qəzzaya humanitar yardımların tam şəkildə çatdırılması və İsrailə təzyiq edilməsi üçün birgə beynəlxalq səylərin zəruriliyinə işarə edən Şükri, Qəzza zolağının şimalı başda olmaqla, yardımların bütün bölgələrinə çatdırılması üçün maneələrin aradan qaldırılması lazım olduğunu qeyd edib.

 

"Beş aydan çox davam edən bu amansız müharibədən və bunun nəticəsində dinc əhalinin, uşaqların və qadınların görünməmiş itkisindən sonra BMT Təhlükəsizlik Şurasının atəşkəsə çağıran qətnaməni qəbul edə bilməməsi artıq qəbuledilməzdir", - Şükri bildirib. dedi.

 

Fələstin məsələsində beynəlxalq yanaşma modelinin dəyişdirilməsi lazım olduğunu dilə gətirən Şükri Fələstin dövlətinin tanınması və Birləşmiş Millətlər Təşkilatına tam üzvlüyünün təsdiqi istiqamətində ciddi addımın atılmasına çağırıb.

 

Artan beynəlxalq və regional xəbərdarlıqlara baxmayaraq, İsrailin baş naziri Benyamin Netanyahu Rəfah şəhərinin "Həmasın son qalası" olduğunu iddia edərək, onu işğal etməkdə israrlıdır.

 

Nigar