Moskva vilayətinin Səhiyyə Nazirliyi “Crocus City Hall”da törədilən terror aktı qurbanlarının siyahısını yeniləyib.

Oxu24.com  xəbər  verir  ki, hazırda siyahıda 119 ad var.

Yenilənmiş məlumatlardan məlum olur ki, Moskva vaxtı ilə saat 15:00-a olan məlumata görə, xəstəxanalarda 96 nəfər müalicə alır.

Qeyd olunur ki, 23 zərərçəkən tibb müəssisələrindən evə buraxılıb.

Xatırladaq ki, martın 25-də regional idarə “Crocus City Hall”da baş vermiş terror aktı zamanı xəsarət alanlara yardım göstərmək üçün 500-ə yaxın əlavə tibb işçisinin cəlb edildiyini bildirib.

Onların əksəriyyəti, qeyd edildiyi kimi, xəbərlərdən terror aktını öyrəndikdən sonra özləri işə gediblər.