Moldovada Rusiya hakimiyyətinin başlatdığı hibrid müharibəsi bütün sürətlə davam edir.

Oxu24.com  xəbər  verir   ki, Moldovanın daxili işlər naziri Adrian Efros bildirib ki, Rusiya öz niyyətlərindən əl çəkməyib, taktikasını dəyişib.

"Biz tammiqyaslı hibrid müharibə vəziyyətindəyik. Və bu, Ukraynanın işğalının əvvəlindən intensivləşib. Ukrayna qoşunları hücumu dayandırır, buna görə də Rusiya Federasiyası taktikasını dəyişdi, lakin qazanmaq niyyətindən əl çəkmədi. Moldova: Biz ölkədə sabitliyi pozmaq cəhdlərini, müxtəlif partiyaların qeyri-qanuni maliyyələşdirilməsini, müxtəlif üsullarla elektoratı satın almaq cəhdlərini görürük”, - nazir qeyd edib.

Eyni zamanda, Efros Moldovanın hazırda hərbi işğal təhlükəsi olmadığını vurğulayıb.

"Hərbi təhlükə əlaməti yoxdur. Bəli, bizim daxili işlərimizə qarışmaq cəhdləri var, lakin cəmiyyət sakit olmalı və ictimai asayişi təmin edən orqanlara etibar etməlidir", - o əlavə edib.

Nazir vurğulayıb ki, Kişinyovun böhranın öhdəsindən gələ bilməməsi ilə bağlı bəyanatlar da hibrid müharibənin elementləri ilə əlaqələndirilə bilər.

"Bu, hökumətin böhranın öhdəsindən gəlməkdə acizliyini nümayiş etdirmək cəhdidir. Amma bu yalandır, biz vəziyyətə nəzarət edirik", - o vurğulayıb.

Nigar