Putin Təhlükəsizlik Şurası ilə neonasizm ideyalarının yayılmasına qarşı mübarizəni müzakirə edib

Rusiya prezidenti Vladimir Putin Rusiya Təhlükəsizlik Şurasının üzvləri ilə operativ iclasda neonasizm ideyalarının yayılmasına qarşı mübarizənin müzakirəsini təklif edib.

 

Oxu24.com   xəbər  verir ki, bu barədə TASS məlumat yayıb.

 

“Birinci sual olaraq, biz bu gün neonasist ideyalarının yayılmasına qarşı mübarizə tədbirlərini nəzərdən keçirəcəyik. Mən təfərrüatlara varmayacağam. Gəlin işə başlayaq”, - deyə dövlət başçısı bildirib.

 

Putin qeyd edib ki, Təhlükəsizlik Şurasının bütün üzvləri bugünkü hadisələr kontekstində neonasist ideologiyasının yayılmasına qarşı mübarizənin nə qədər vacib olduğunu bilirlər.

 

Martın 20-də Rusiya Xarici İşlər Nazirliyinin sözçüsü Mariya Zaxarova idmançıları Rusiyada keçiriləcək Dostluq Oyunlarında iştirakdan imtina etməyə çağıran Beynəlxalq Olimpiya Komitəsini (BOK) tənqid edib.

 

Bundan əlavə, o, təşkilatı irqçilik və neonasizmdə ittiham edib.

 

Bundan əvvəl Rusiyanın ABŞ-dakı səfiri Anatoli Antonov bildirmişdi ki, Rusiya Federasiyası Ukraynada nasist ideologiyasının böyüməsinin qarşısını almağı vacib hesab edir.

 

 

Nigar