Böyük Britaniyanın baş naziri Rişi Sunakın sözçüsü bildirib ki, ölkənin “Ukrayna Silahlı Qüvvələri ilə çiyin-çiyinə döyüşmək” üçün Ukraynaya qoşun göndərmək planı yoxdur.

Oxu24.com  xəbər  verir  ki, onun sözlərini TASS sitat gətirir.

O, bu cür planları rədd edərək izah etdi ki, Britaniya hakimiyyəti Fransa prezidenti Emmanuel Makronun bəyanatları fonunda öz ordusunu Ukraynaya “tam yerləşdirmə” üçün göndərmək imkanını dərhal istisna edir.

Bununla belə, Sunakın nümayəndəsi əlavə edib ki, London Fransadan Ukraynaya yardımı alqışlayır.

Bundan əvvəl Böyük Britaniyanın keçmiş müdafiə naziri Ben Uolles Britaniya hərbçilərinin Ukraynaya göndərilməli olacağını istisna etməyib. O, həmçinin müdafiə xərclərinin minimum səviyyəsini ÜDM-in üç faizi səviyyəsində təyin etməyə çağırıb.

Krallığın Müdafiə Nazirliyinin hazırkı rəhbəri Qrant Şapps Yəməndəki hərbi əməliyyatlardan sonra xərclərin artması və Ukraynaya davam edən yardım səbəbindən parlamentdən daha 3,2 milyard funt-sterlinq istəyib.

Nigar