BMT-nin Baş katibi Antonio Quterres Qəzza zolağında ən azı 1,1 milyon insanın ərzaq ehtiyatlarının tükəndiyini və fəlakətli aclıq təhlükəsi ilə üzləşdiyini bildirib.

Oxu24.com  xəbər  verir  ki,  bu  barədə  TASS məlumat yayıb.

“Qəzzadakı bütün fələstinlilərin yarısından çoxu, yəni 1,1 milyon insan qida ehtiyatlarını tamamilə tükəndirib və fəlakətli aclıq təhlükəsi ilə üzləşib”,=deyə  o  bildirib.

Onun sözlərinə görə, “Qəzzada fələstinlilər dəhşətli qəzəb və iztirab yaşayırlar”.

“İsrail hakimiyyətini Qəzzaya humanitar yardımların tam və maneəsiz çatdırılmasını təmin etməyə çağırıram”, - Quterreş bildirib.

O əlavə edib ki, beynəlxalq ictimaiyyət humanitar səylərə hərtərəfli dəstək verməlidir.

Bundan əvvəl BMT həmçinin bildirmişdi ki, hərbi əməliyyatlar dayandırılmasa və humanitar yardıma daha geniş çıxış təmin olunmasa, Qəzza zolağının şimalında aclıq qaçılmaz olacaq.

BMT-nin hesabatında deyilir ki, Qəzza zolağında kəskin ərzaq qıtlığı "dərinləşib və genişlənib".

Nigar