Rusiya Avropada NATO-nun böyük bazasının tikintisinə reaksiya verib

Rumıniya ərazisində NATO-nun Avropadakı ən böyük bazasının tikintisi Buxarest üçün təhlükə yaradır.

 

Oxu24.com  xəbər  verir  ki,  bu  barədə  Federasiya Şurasının beynəlxalq məsələlər komitəsinin sədr müavini Andrey Klimov deyib.

 

Lenta.ru ilə söhbətində o, Ukrayna sərhədləri yaxınlığında belə bir strateji obyektin yaradılması planlarına cavab verib.

 

“Mənim fikrimcə, anti-Rusiya hərbi bazası nə qədər böyükdürsə, sərhədlərimizə nə qədər yaxındırsa, onun cavab zərbələri üçün ilk hədəflər sırasında olması ehtimalı bir o qədər yüksəkdir. Rumınların xoşuna gəlirsə, bu, əlbəttə ki, onların işidir, lakin NATO-nun intihar klubu adi mülki insanları ailələri və uşaqları üçün çox pis bitəcək macəralara sürükləyir. Mən heç kimi qorxutmağa çalışmıram, sadəcə məntiqli davranıram. Rumıniya bundan fayda görməyəcək və təhdidlər artacaq, bu faktdır”, - senator bildirib.

 

Rumıniyanın TVRinfo telekanalının məlumatına görə, Avropadakı ən böyük NATO bazası Rumıniyanın cənub-şərqində mövcud Mixail Koqalniçeanu obyekti əsasında yarana bilər. Buxarest yenidənqurma işlərinə 2,5 milyard avro xərcləməyi planlaşdırır. Mövcud hərbi kompleks genişləndirildikdən sonra onun sahəsi 2,8 min hektar olacaq.

 

Baza 10 min hərbçi üçün nəzərdə tutulub və onlara ailələri ilə birlikdə oraya köçmək imkanı veriləcək. İşlərin tamamlanması 2040-cı ilə planlaşdırılır.

 

 

Miri