Tibb fakültələrinə kvotaların artırılması qərarından sonra minlərlə intern həkimin istefa verdiyi Cənubi Koreyada böhran dərinləşir.

Oxu24.com  xarici  mediaya  istinadən  xəbər  verir  ki,problemin həlli üçün hökumətə martın 15-nə qədər vaxt verən professorlar da istefa vermək qərarına gəliblər.

Cənubi Koreyada bir çox tibb professorları hökumətin kvotaların artırılmasına etiraz edən intern həkimlərin probleminə həll yolu tapmasını təmin etmək üçün martın 25-dən etibarən istefalarını təqdim etmək qərarına gəliblər.

Tibb professorlarının verdiyi açıqlamada 20 universitetin professorlarının iştirak etdiyi onlayn iclasda qərarın verildiyi və martın 25-dən etibarən işlədikləri universitetlərdən istefa ərizələrini təqdim edəcəkləri bildirilib.

Açıqlamada professorların universitetlərdən istefa versələr də, xəstəxanalarda xəstələrə baxmağa davam edəcəkləri bildirilib.

Professorlar martın 15-nə qədər hökumət tərəfindən ağlabatan bir həll tapmasa, kütləvi istefalarla bağlı qərarlarını öz universitetlərinə bildirəcəklərini açıqlamışdı.

NƏ OLUB?
 

Cənubi Koreyanın Səhiyyə və Rifah Nazirliyi kənd yerlərində və mühüm tibb sahələrində səhiyyə xidmətlərinin qeyri-kafi olması səbəbindən tibb fakültəsi kvotalarını 2 min nəfər artırmaq qərarına gəlib. Bunun üzərinə ölkədəki həkimlər fevralın 20-də başda paytaxt Seul olmaqla bir çox şəhərdə hökumətin planının “tibbi təhsil və xidmətin keyfiyyətinə xələl gətirəcəyi” səbəbilə etiraz aksiyaları təşkil etmiş və minlərlə stajyer həkim istefa ərizəsi vermişdi.

Nigar