Scholz: Rusiya aktivlərindən əldə edilən gəlir Ukraynaya silah almaq üçün istifadə olunacaq

Rusiya Mərkəzi Bankının Avropada dondurulmuş aktivlərindən əldə edilən gəlirlər Ukraynaya silah almaq üçün istifadə oluna bilər.

 

Oxu24.com xəbər verir ki, bunu Almaniya kansleri Olaf Şolz Berlində Fransa prezidenti Emmanuel Makron və Polşanın baş naziri Donald Tusk ilə birgə mətbuat konfransında bildirib.

 

“Biz Avropada dondurulmuş Rusiya aktivlərindən əldə etdiyimiz artıq gəliri Ukraynaya silah almağa maliyyə dəstəyi üçün istifadə edəcəyik”, - Scholz deyib.

 

Martın 11-də Aİ-nin Xarici İşlər və Təhlükəsizlik Siyasəti üzrə Ali Nümayəndəsi Josep Borrell bildirib ki, dondurulmuş Rusiya aktivlərindən əldə edilən gəlir Ukraynanın müdafiə problemlərinin həllinə yönəldilə bilər.

 

O bildirib ki, Aİ-yə üzv ölkələr razılaşarsa, bu resurslar Avropa Sülh Fondu vasitəsilə ölkəyə əlavə hərbi dəstək vermək üçün istifadə oluna bilər.

 

Martın 11-də Rusiya Maliyyə Nazirliyi hökumət komissiyasının dondurulmuş aktivlərin mübadiləsi şərtlərini təsdiqlədiyini açıqlayıb.

 

Bundan əvvəl Avropa Komissiyası Rusiyanın Avropa İttifaqında dondurulmuş aktivlərinin həcmini açıqlamışdı.

 

Nigar