Rusiya İrandan yumurta aldı

İran yumurtanın ilk partiyasını Rusiyaya tədarük edəcək, bu barədə ölkənin quşçular birliyinin sədri Həmid Rza Kaşani bildirib.

 

Oxu24.com  xəbər  verir  ki,  bu  barədə   TASS  məlumat yayıb.

 

“Biz ilk dəfədir ki, Rusiyaya yumurta ixrac edirik, İran yumurtasının ilk partiyasının 20 gün ərzində Rusiya Federasiyasına çatacağı gözlənilir”,-deyə  media  yazıb.

 

Bu arada, Rusiyada yumurtanın maya dəyərinin azalması tendensiyası var. Federal Antiinhisar Xidmətinin (FAS) rəhbəri Maksim Şaskolski deyir ki, qiymətlər tezliklə daha da aşağı düşəcək.

 

2023-cü ildə Rusiya Federasiyasında yumurta demək olar ki, 60% bahalaşıb. Yanvarın əvvəlindən mallar topdansatışda 15,8%, pərakəndə satışda isə 15% ucuzlaşıb.

 

Buna baxmayaraq, pərakəndə satış şəbəkələri yumurtanı zərərlə satmaq məcburiyyətində qaldıqlarından şikayətlənirlər.

 

Bundan əvvəl ruslara ərzaq inflyasiyasının 10%-dən yuxarı olması barədə xəbərdarlıq edilib.