Qazaxıstan prezidenti ölkəni Qızıl Ordanın varisi adlandırıb

Qazaxıstan prezidenti Kasım-Jomart Tokayev ölkəsini Qızıl Ordanın varisi adlandırıb.

 

Oxu24.com xəbər  verir  ki, bu fikirləri o, milli qurultayda çıxışı zamanı deyib, onun sözlərini Nur.kz sitat gətirir.

 

“Qazaxıstan Böyük Çölün köçəri sivilizasiyasının birbaşa varisidir. Mərkəzi Avrasiyanın geniş ərazilərində dövlət quruculuğunun tanınmış zirvəsi həmişə Qızıl Orda kimi dünyaca məşhur olan Coçi Ulusu olub”, - Tokayev bildirib.

 

O qeyd edib ki, bu orta əsr dövlətinin geosiyasi irsi bir sıra Avrasiya dövlətlərinin, o cümlədən Qazax xanlığının yaranması üçün əsas olub.

 

Eyni zamanda, onun fikrincə, Coçi Ulusu da Roma İmperiyası kimi, Böyük Çöl dövlətləri və xalqları üçün uzun əsrlər boyu inkişaf standartlarını müəyyən etmişdir.

 

Bundan əvvəl Tokayev bildirmişdi ki, Qazaxıstan Qərbin təsirinə baxmayaraq, ənənəvi dəyərləri gücləndirmək məqsədi daşıyır.

 

Əvvəllər Qazaxıstan Rusiya Federasiyasına hərbi məhsulların tədarükü ilə bağlı Ukrayna ilə danışıqlar aparmaqda şübhəli bilinirdi.

 

Nigar