Çin Hindistanın baş nazirinin davranışından narazıdır

Pekin Hindistanın baş naziri Narendra Modinin dövlətlərarası sərhədin mübahisəli hissəsində yerləşən Arunaçal-Pradeş ştatına səfəri ilə əlaqədar Nyu-Dehliyə diplomatik etirazını bildirib.

 

Oxu24.com  xəbər  verir  ki, bu barədə Çin Xalq Respublikası Xarici İşlər Nazirliyinin rəsmi nümayəndəsi Van Venbin məlumat verib.

 

Bloomberg Çin Xarici İşlər Nazirliyinin sözçüsündən sitat gətirib: "Çin bundan qəti şəkildə narazıdır və  liderinin Çin-Hindistan sərhədinin şərq hissəsinə səfərinə qəti şəkildə qarşı çıxır".

 

“Çin və Hindistan arasında sərhəd məsələsi hələ həll olunmayıb. Hindistanın Çindəki Zannan (Arunaçal Pradeş ştatının çin adı) ərazisindən özbaşına istifadə etmək hüququ yoxdur”, - Vanq Venbin bildirib.

 

Hindistanın baş naziri martın 9-da Arunaçal-Pradeş ştatında olub və burada Sela tunelinin açılış mərasimində iştirak edib. Bloomberg-in qeyd etdiyi kimi, Sela tunelinin istismara verilməsi Hindistan Silahlı Qüvvələrinin Çinlə sərhədə qoşun köçürməsini asanlaşdıracaq.

 

Himalay dağlarında Hindistan və Çin arasında demarkasiya olunmuş sərhəd yoxdur; iki ölkə onilliklər boyu gərginlik mənbəyi olaraq qalan Faktiki Nəzarət Xətti ilə ayrılır.

 

Miri