İsrail HƏMAS üzərində tam qələbə çalmaq yolunda olduğunu açıqladı

İsrail Fələstinin HƏMAS hərəkatı ilə münaqişədə mütləq qələbə yoluna qədəm qoyub.

 

Oxu24.com  xəbər  verir  ki, Bu sözləri “The Times of Israel” qəzetinə istinadən Yəhudi Dövlətinin Baş naziri Benyamin Netanyahu deyib.

 

“Biz tam qələbə yolundayıq. Biz hamıya çatacağıq”, - deyə hökumət başçısı HƏMAS rəhbərliyinə istinad edərək bildirib.

 

O əlavə edib ki, Qəzza zolağında gedən döyüşlər zamanı İsrail əsgərləri Fələstin hərəkatının dördüncü mühüm şəxsini öldürüblər. Eyni zamanda, HƏMAS-ın birinci, ikinci və üçüncü şəxsləri “artıq yoldadır” Netanyahu vurğulayıb.

 

Martın 7-də İsrailin baş naziri bildirib ki, ölkə hakimiyyəti döyüş zonasını genişləndirməyi planlaşdırır.

 

Onun dediyi kimi, yəhudi dövlətinin Qəzza zolağında apardığı hərbi əməliyyat tezliklə Rəfah şəhərinə də təsir edəcək.

 

Daha sonra Axios xəbər portalı mənbələrə istinadən xəbər verdi ki, ABŞ prezidenti Co Bayden HƏMAS-la münaqişədə verdiyi qərarlara görə İsrail hökumətinin başçısı ilə “arasını kəsib”.

 

Nəşrin məlumatına görə, Amerika lideri və Netanyahu 40 ildir ki, bir-birlərini tanıyırlar. Lakin bu, Ağ Ev sahibinin yəhudi dövlətinin baş nazirinə münasibətini dəyişməsinə, eyni zamanda Fələstin hərəkatı ilə mübarizə məsələsində İsrailin tərəfində qalmasına mane olmayıb.

 

Bundan əvvəl İsrail hökuməti Qəzza zolağında əməliyyatın başa çatması üçün təxmini vaxt çərçivəsini açıqlamışdı.

 

Miri