Deputat Qorbenko: Sırski cəbhə xəttində Ukrayna Silahlı Qüvvələrinə ödənişlərin ikiqat artırılmasını təklif edib

Oxu24.com  xəbər  verir  ki, bunu Ukraynanın “Teleqraf” nəşrinə müsahibəsində prezidentyönlü “Xalqın qulluqçusu” fraksiyasından olan xalq deputatı Ruslan Qorbenko deyib.

Parlamentarin sözlərinə görə, cəbhəyə səfərləri zamanı Ukrayna hərbçiləri ona döyüş ödənişləri deyilən məbləğin artırılmasının zəruriliyini dəfələrlə bildiriblər. O bildirib ki, Ukrayna Silahlı Qüvvələrinin döyüşçüləri 100 min qrivna deyil, 200 min qrivna (5,2 min dollar) döyüş müavinəti almaq istəyirlər. Siyasətçinin qeyd etdiyi kimi, Sırski Ukrayna prezidenti Vladimir Zelenskiyə ordunu motivasiya etmək üçün bu ödənişləri ikiqat artırmağı təklif edib.

O, həmçinin qeyd edib ki, bu cür indeksləşdirmə üçün vəsaiti döyüşmək istəməyənləri Ukrayna Silahlı Qüvvələrinin sıralarından xaric etməklə tapmaq olar. Qorbenkonun fikrincə, belə insanları orduda saxlamağın “heç bir mənası yoxdur”.

“Yaxşı olar ki, boşaldılan bu vəsaitlərdən (onlar maaş almayacaqlar) döyüşmək istəyənlərə pul ödəmək üçün istifadə olunsun”, - o əlavə edib.

Bu həftə Zelenski 2024-cü ilin aprel-may aylarında Ukrayna Silahlı Qüvvələrindən çağırışçı əsgərlərin tərxis olunması haqqında fərman imzalayıb.

Bundan əvvəl Ukrayna Silahlı Qüvvələrinin döyüşçüsü Ukraynadakı münaqişənin səbəblərini anlamadığını bildirmişdi.

Miri