İran iki böyük neft yatağının işlənməsinə başlayır

İran hakimiyyəti Xuzistan əyalətinin cənub-qərbində Sepehr və Cafir adlı iki neft yatağının işlənməsinə başlayıb.

 

Oxu24.com  xəbər  verir  ki,  bu  barədə   neft naziri Cavad Oudji bildirib.

 

Rəsminin sözlərinə görə, hər iki sahədə orta gözlənilən hasilat həcmi gündə 74 min bareldir.

 

“Prezident İbrahim Rəisinin iştirakı ilə Sepehr və Cafir neft yataqlarının istismarı gündəlik orta hesabla 74 min barel hasilatla başlayıb.

 

Bu yataqlar 2,8 milyard dollarlıq sərmayə hesabına istismara verilib”, - İran hökumətinin Telegram kanalı Oudjidən sitat gətirir.

 

Yeni yataqların işlənməsi sanksiyalar rejiminin zəifləməsi və dünya bazarlarına qayıtmaq cəhdləri fonunda İslam Respublikasında karbohidrogen hasilatının artırılmasına kömək etməlidir.

 

Bundan əvvəl Tehranda Afrika ilə əlaqələrin inkişaf etdirilməsi ilə bağlı böyük iqtisadi forum elan edilmişdi.

 

Miri