Polşa və Ukrayna sərhədində bir neçə min yük maşını yığılıb

Polşalı fermerlərin etirazına görə Polşa-Ukrayna sərhədində 2,3 min yük maşını növbəsi yaranıb.

 

Oxu24.com  xəbər verir ki, bu barədə Ukrayna Dövlət Sərhəd Xidmətinin nümayəndəsi Andrey Demçenko bildirib.

 

"Martın 9-u şənbə günü səhər Polşa ilə sərhəddə bütün istiqamətlərdə növbələrdə 2300 yük maşını var ki, polşalı fermerlər onların gediş-gəlişini çətinləşdirir və ya qeyri-mümkün edir", - Demçenko bildirib.

 

Eyni zamanda o qeyd edib ki, Krakovets keçid məntəqəsi istiqamətində blokada martın 13-dək başa çatdırılmalıdır.

 

Sərhəd xidmətinin nümayəndəsinin sözlərinə görə, ən çox nəqliyyatın cəmləşməsi Yaqodin və Şeqini keçid məntəqələrində müşahidə olunur, etirazçılar Polşaya doğru hərəkət edən yük maşınlarını ümumiyyətlə buraxmırlar.

 

Polşalı fermerlərin etirazları fevralın əvvəlindən davam edir. Fermerlərin əsas tələbləri Ukraynadan Polşaya kənd təsərrüfatı məhsullarının idxalını dayandırmaqdır.

 

Martın 5-də Ukraynanın Polşadakı səfiri Vasili Zvariç polşalı fermerlərə blokadanın dayandırılması xahişi ilə müraciət edib.

 

Bundan əvvəl Ukrayna prezidenti Vladimir Zelenski demişdi ki, Polşa ilə sərhəddə vəziyyət “iqtisadiyyat və mənəviyyat”dan kənara çıxıb.

 

Bundan əvvəl Polşa prezidenti etiraz edən fermerlərə dəstək verib.

 

Nigar