Fransa qadınların abort hüququnu konstitusiyada təsbit edən qanun qəbul edib

Fransa prezidenti Emmanuel Makron qadınların abort hüququnu ən yüksək qanunvericilik səviyyəsində təsbit edən qanunu imzalayıb.

 

Oxu24.com  xəbər  verir  ki, Müvafiq sənəd martın 9-da Beşinci Respublikanın rəsmi jurnalında dərc olunub.

Beləliklə, Fransa dünyada qadınların abort hüququnu konstitusiyada təsbit edən ilk ölkə oldu.

1958-ci il konstitusiyasına belə bir maddə əlavə edildi: “Qadınların hamiləliyini könüllü olaraq dayandırmaq hüququna qanunla təminat verilir”. Bu, müasir Fransanın təsis sənədinə edilən 25-ci və 2008-ci ildən bəri ilk düzəlişdir.

Maddənin konstitusiyaya daxil edilməsinin lehinə 780 deputat, əleyhinə isə 72 deputat səs verib.

Qanunun imzalanması 8 Mart Beynəlxalq Qadınlar Günündə Parisdə baş tutub.

Eyni zamanda, Rusiyada özəl klinikalarda abortların qadağan edilməsi mövzusu müzakirə olunur. Bunun fonunda Pskov vilayətində qadınları hamiləliyini dayandırmağa sövq edən cərimələr tətbiq edilib. Rosstatın məlumatına görə, ölkədə abortların sayının azalması nəticəsində qadınlar arasında sterilizasiya hallarının sayı artıb.

Əvvəllər deputat abort etmək istəyən qadınlardan uşaq almağı təklif etmişdi.

 

Nigar