Dünyaca məşhur yapon vəfat etdi

Yapon illüstratoru və məşhur Dragon Ball manqasının müəllifi  Akira Toriyama 67 yaşında Yaponiyada vəfat edib.

 

Oxu24.com   xəbər  verir  ki, bu barədə Weekly Shonen Jump jurnalı məlumat yayıb.

 

“Shueisha-nın bütün redaksiya heyəti onun qəfil ölüm xəbərindən çox kədərlənir. Onun çəkdiyi manqa Yaponiyanın hüdudlarından kənara çıxıb, bütün dünyada oxunur və sevilir”, - jurnalın redaktorlarının bəyanatında deyilir.

 

Toriyamanın yaratdığı “Bird Studio” anime studiyasının mətbuat xidməti sənətçinin martın 1-də dünyasını dəyişdiyini bildirib.

Ölümün səbəbi kəskin subdural hematoma olub.

Bird Studio qeyd edib ki, Toriyamanın böyük həvəslə üzərinə götürdüyü bir neçə layihəni tamamlamağa vaxtı olmayıb.

Toriyama 1955-ci ilin aprelində Ayçinin mərkəzi prefekturasında anadan olub. Onun əsərləri 1980-ci illərin əvvəllərində nəşr olunmağa başladı. 1985-ci ildə nəşr olunmağa başlayan Dragon Ball manqası ona geniş şöhrət gətirdi. Yaponiyada manqa təxminən 160 milyon nüsxə satılıb. Dünyada 260 milyondan çox nüsxə satılıb.

Afət