ABŞ Qəzzaya humanitar yardım göndərir

Oxu24.com  xəbər  verir  ki, ABŞ Mərkəzi Komandanlığından  verilən açıqlamada, ABŞ ordusuna aid 3 ədəd C-130 yük təyyarəsinin bu gün Qəzzaya hava yolu ilə humanitar yardım çatdırdığı bildirilib.

 

İordaniya Kral Hərbi Hava Qüvvələri ilə birgə Qəzza vaxtı ilə saat 15.00-17.00 arasında həyata keçirilən humanitar yardım əməliyyatı zamanı ABŞ-ın Qəzza sahillərinə havadan atdığı paletlərdə təxminən 38 min yemək üçün qida olduğu qeyd edilib.

 

“Bu hava zərbələri Qəzzaya daha çox yardımın çatdırılması, o cümlədən quru dəhlizləri və marşrutlar vasitəsilə yardım axınının genişləndirilməsi üzrə davamlı səylərin bir hissəsidir”, - deyə bəyanatda qeyd olunub. 

 

Birləşmiş Millətlər Təşkilatının (BMT) rəsmiləri Qəzzada 2,3 milyon insanın ən azı dörddə birinin şiddətli aclıqla üzləşdiyini və havadan göndərilən yardımın yardımın paylanmasında təsirli bir üsul olmadığını, ancaq son çarə olaraq istifadə edilə biləcək bir tədbir olduğunu bildirir.

 

İsrail qurudan humanitar yardımın Qəzzaya daxil olmasına icazə vermədiyi üçün İordaniya və Misir daha əvvəl Qəzzaya hava yolu ilə humanitar yardım çatdırmağa cəhd etmişdilər.

 

Digər tərəfdən, İsrail ordusunun fevralın 29-da Qəzza şəhərində humanitar yardım gözləyən fələstinlilərə hücumunda 116 nəfər həyatını itirib, 760-dan çox insan isə yaralanıb.

 

 

Nigar