Türkiyə Rusiyaya ixracı azaldıb

Fevralda Türkiyənin Rusiyaya ixracının həcmi ötən ilin eyni dövrü ilə müqayisədə 34% azalaraq 1 milyard dollardan 670 milyon dollara düşüb.

 

Oxu24.com   xəbər  verir  ki,  bu  barədə   Türkiyə Ticarət Nazirliyinin statistikasında  qeyd  edilib.

Türkiyənin iki aylıq (yanvar-fevral) ixracı 2022-ci ilin eyni dövründəki 2,04 milyard dollardan 1,29 milyard dollara düşüb.

 

Fevralda Rusiyaya ixrac Türkiyənin ümumi ixracının 3,2%-ni təşkil edib. Fevralda Türkiyə ticarətinin əsas ixrac istiqamətləri Almaniya (1,723 milyard dollar) və ABŞ (1,33 milyard dollar) olub.

 

Eyni zamanda, fevralda Rusiya Türkiyəyə mal tədarükündə lider olub (4,15 milyard dollar). Türkiyənin idxalında Rusiyanın payı 14,8% təşkil edib. Rusiyadan sonra Çin (3,43 milyard dollar) və Almaniya (2,22 milyard dollar) gəlir.

 

2024-cü ilin yanvarında Türkiyənin Nurol Bankı ABŞ-ın sanksiyaları fonunda çoxlu sayda rusiyalı həmkarı ilə işləməkdən imtina edib. Rusiya banklarının təxminən 40%-i kredit təşkilatı ilə əməkdaşlıq edib.

 

 

 

Miri