Avropa Şurasının baş katibi Navalnının ölümünün  araşdırılmasını istəyib

Avropa  Şurası  Navalninin ölümünə diqqət  göstərir.

 

Oxu24.com  xəbər  verir  ki, Avropa Şurasından verilən açıqlamaya görə, baş katib Buriç Strasburqda Navalnının həyat yoldaşı Yuliya Navalnaya ilə görüşüb.

 

Buric Navalnıya həyat yoldaşının ölümü ilə bağlı başsağlığı verib və bildirib  ki, Navalnının ölümünü onun əvvəllər məruz qaldığı insan haqları pozuntularından ayırmaq olmaz.

Bu pozuntular arasında Navalnını zəhərləmək cəhdi və qeyri-insani və ləyaqəti alçaldan rəftarın olduğunu iddia edən Buric, bu vəziyyətə görə Rusiya hakimiyyətini məsuliyyət daşıdığını bildirib.

Buric bəyan edib ki, Rusiya Avropa İnsan Haqları Məhkəməsinin bütün qərarlarına, o cümlədən Navalnı ilə bağlı qərarlara əməl etməlidir.

Avropa Şurasının baş katibi Rusiyadan Navalnının ölümü ilə bağlı effektiv araşdırma aparmağı tələb edib.

Navalnının cəzası və ölümü

Kremlin əleyhdarı olan Aleksey Navalnı zəhərləndiyi iddiası ilə Almaniyanın paytaxtı Berlində müalicə aldıqdan sonra 17 yanvar 2021-ci ildə paytaxt Moskvaya qayıdarkən hava limanında saxlanılaraq həbs edilib.

Rusiya Federal Penitensiar Xidmətinin (FSIN) tələbi ilə 2 fevral 2021-ci il tarixində Moskva Şəhər Məhkəməsində Navalnıya qarşı qaldırılan iş üzrə məhkəmə yekunlaşıb; Navalnının keçmişdə korrupsiya işi nəticəsində verdiyi 3,5 il şərti həbs cəzası məhkəmə nəzarəti şərtlərini yerinə yetirmədiyi üçün həbs cəzasına çevrilib.

Rusiya məhkəməsi 2023-cü ilin avqustunda həbsdə olan Navalnıya ekstremist icma yaratmaq ittihamı ilə 19 il həbs cəzası verib.

Navalnı 2022-ci ilin yanvarında Rusiyada terrorizm və ekstremizmlə əlaqəli şəxslər siyahısına daxil edilib.

FSIN fevralın 16-da məhbus Navalnının həbsxanada öldüyünü və ölümün səbəbinin araşdırılacağını bildirib.

 

Miri