İran ABŞ-ı  hədələyir

İranın müdafiə naziri briqada generalı Məhəmməd Rza Aştiani ABŞ-ı İsrailin HƏMAS-ın siyasi büro rəhbərinin müavini Saleh əl-Arurini öldürməsinin nəticələrinə hazırlaşmağa çağırıb.

 

Oxu24.com İRNA-ya istinadən  xəbər verir ki, İranlı nazirin sözlərinə görə, ABŞ “regional balansı pozub və bunun nəticələri onların üzərinə düşəcək”.

Aştiani qeyd edib ki, bu cür “strateji səhvlər regionu həyəcanlandıracaq” və gözlənilən effektin əksinə gətirib çıxaracaq: “Müqavimət qüvvələrinə qarşı bu cür addımlar Amerika siyasətinə qarşı regional həmrəyliyi gücləndirəcək”.

İranın xarici işlər naziri Hüseyn Əmir Abdullahian deyib ki, “qorxaq terror əməliyyatları ABŞ-ın bu quruma birbaşa dəstəyinə” baxmayaraq, İsrailin Qəzza zolağında qarşısına qoyduğu məqsədə çatmadığını sübut edir.

İran prezidenti İbrahim Rəisi də öz növbəsində əl-Arurinin qətlini “Fələstinlilərə qarşı mübarizədə sionistlərin utanc verici uğursuzluğu” adlandırıb.

Həmas siyasi bürosunun sədr müavini Saleh əl-Aruri yanvarın 2-də Beyrutda endirilən hava zərbəsi nəticəsində öldürülüb. Əl-Aruri ilə yanaşı qrupun daha bir neçə yüksək rütbəli üzvü öldürülüb.

Müəllif:Afət