"Ozünüz oxumursunuz, yalandan oynamaqla, hay-huy etməklə, toyu yola verirsiniz".

OXU24.COM xəbər verir ki, bu sözləri müğənni Türkan Vəlizadə "Xəzər axşamı" verilişində deyib.

Sənətçi efirlərdə ona söz atan, onu bəyənməyən həmkarlarının ünvanına sərt fikirlər səsləndirib:

"Mən çadır toylarından çıxmışam, oranın necə çətin olduğunu müğənnilər yaxşı bilir. Çıxıb orada-burada söz atan, gündəmə gəlməyə çalışanlara demək istəyirəm ki, mən buradayam. Gəl, mikrofonu götür, canlı oxuyaq. Meydandayam, sizinlə bərabər canlı oxumağa hazıram.

Hər kəs əziyyətlə pul yığıb səni toyuna çağırır. Ansanblla gedirsiniz toylara, oğlan oxuyanı da aparırsız yanınızca. Ozünüz oxumursunuz, yalandan oynamaqla, hay-huy etməklə, toyu yola verirsiniz. Bütün toyu isə oğlan idarə edir. Buna görə də səhəri gün artıq səni heç bir toya dəvət etmirlər. Tamaşaçı da ayılır.

Mən çalışıram ki, toylarda fonoqram oxumayım. Hətta ev yiyəsi özü gəlir deyir ki, Türkan xanım, biz sizin fonoqramlarınızı istəyirik. Amma mən sona qədər canlı oxuyuram. Çünkü o insan əziyyətlə qazandığı pulu gətirib mənə verir.

Elə müğənnilərimiz var ki, efirə çıxır, qəsdən elə bir söz deyir ki, "TikTok"da yayılsın. Əzizim, canlı oxumaq lazımdır. Şəxsi həyatla bizim işimiz yoxdur. Pulunuzu qazanın, başqalarına dəyib-dolaşmayın. Elə bəstəkarlar var ki, adını çəksəniz, heç o müğənnilər onları tanımayacaq. Biz elə sənətkarlar görmüşük".