İsraildə davam edən gərginlik zamanı azı 100 nəfər ölüb, 900-dən çox adam yaralanıb.

Oxu24.com xəbər verir  ki,bu barədə “Times of Israel” Səhiyyə Nazirliyinə istinadən məlumat yayıb.

“Səhiyyə Nazirliyi indiyədək 908 qurbanın müalicə üçün xəstəxanalara aparıldığını bildirib... Görünməmiş hücumda azı 100 nəfər ölüb”, - deyə məlumatda bildirilir.

Oktyabrın 7-də İsrail Müdafiə Qüvvələrinin (IDF) mətbuat xidməti bildirib ki, Qəzza zolağından olan terrorçular anklavdan iri raket hücumundan sonra İsrailin sərhəd bölgələrinə daxil olublar.

HƏMAS silahlıları İsraillə həmsərhəd şəhərlərə, eləcə də Təl-Əvivin ərazilərinə raket zərbələri endirib. İsrailin müdafiə naziri Yoav Qalant Fələstinin radikal islamçı hərəkatının ölkəsinə müharibə elan etdiyini bildirib. Bütün bunların fonunda Müdafiə Nazirliyinin rəhbəri ölkədə ehtiyatda olan hərbçilərin kütləvi toplanışını elan edib.

Müəllif: Miri Məcidli