Uşağa qışqırmaq valideyn-övlad münasibətindəki güvənin sarsılmasına səbəb olur.

OXU24.COM xəbər verir ki, mütəxəssislərin fikrincə, uşağın üstünə qışqırmaq ona qarşı edilən fiziki zorakılıqla eyni sayılır. Onun üstünə qışqıranda uşaq özünə qapanacaq və valideynləri ilə münasibətində güvən yox olacaq. Alimlər hesab edirlər ki, uşağa bərabərhüquqlu biri kimi yanaşmaq lazımdır. Baş verənlərə yumorla reaksiya verin, həmişə nəyi sevdiyi və nə ilə məşğul olduğu ilə maraqlanın. Uşağı cəzalandırmaq istəyəndə zorakılıq göstərməyin, uşağın üstünə qışqırmayın, ona hər hansı məhdudiyyətlər qoyun.

Mütəxəssislər deyir ki, uşağı incidəndə, ya ona stress yaşadanda onda hormonal dəyişikliklər baş verir, bədəndə iltihab prosesləri başlayır, ürək-damar sistemi əziyyət çəkir. Əgər uşağın üstünə dəfələrlə qışqırıb, səsinizi qaldırırsınızsa, müəyyən zaman sonra da o, elə cavab qaytaracaq. Həm də bu uşaqlar depressiyaya meyilli olurlar.