Ermənistanın baş naziri Nikol Paşinyanın "Molorak” qəzetində jurnalist işləyən zaman 20 yanvar 1990-cı ildə Bakıda törədilmiş qırğınla bağlı yazdığı məqalə yenidən erməni KİV-lərində yayımlanıb.

"Ermənilər və azərbaycanlılar oxşar taleyi olan xalqlardır” adlı məqalə 11 fevral 1998-ci ildə dərc edilib.

Paşinyan 20 yanvarda Bakıda qətlə yetirilənlərin qarşısında baş əydiyini yazıb. O, hər dəfə Azərbaycanın və Türkiyənin günahsız qurbanları ifadəsinin işlədilməsinin niyə ermənilərin şüurunu qaraltdığını sual edib.

Paşinyan məqaləni bu sətirlərlə bitirib: "20 yanvarda Bakıda 1990-cı il qurbanlarının xatirəsini bir dəqiqəlik sükutla yad etdim".