“Naxçıvandan Bakıya və Bakıdan Naxçıvana biletlər onlayn qaydada həmin sərnişinə məxsus ödəniş kartı vasitəsi ilə ödəniş edilməklə satılacaq”.

Oxu24.com -un  məlumatına görə, bunu "Azərbaycan Hava Yolları" QSC-nin (AZAL) vitse-prezidenti Eldar Hacıyev bildirib.

E. Hacıyev deyib ki, mövcud qaydalar ödəniş kartı olmayanlara başqasının ödəniş kartı ilə aviabilet almağa imkan vermir:

“Ancaq AZAL-ın “Çağı mərkəzi”nə telefonla müraciət edərək, başqa şəxsin ödəniş kartından istifadə etməklə məhdud sayda təyyarəyə bilet almaq imkanı olacaq. Ancaq bu, çox məhdud olacaq”.

AZAL vitse-prezidenti qeyd edib ki, hazırda Bakıdan Naxçıvana, Naxçıvandan Bakıya iyunun 18-də yerinə yetiriləcək reyslər üçün bilet satışına başlanıb.