“Əvvəllər bankomatlarda sosial ödənişlər üçün faiz tutulurdu. Biz artıq banklarla bankomatlardan edilən sosial ödənişlər üçün faizlərin tutulmaması barədə razılaşma əldə etmişik”.

Oxu24.com xəbər verir ki, bu barədə Əmək və Əhalinin Sosial Müdafiəsi naziri Sahil Babayev bildirib.

Nazir vurğulayıb ki, karantin dövründə bütün bankomatlarda sosial ödənişlər üçün faiz tutulmayacaq.

“Bu, kömək edəcək ki, insanlar onlara ən yaxın olan istənilən bankın bankomatından öz ödənişlərini alsınlar”.

Nazir həmçinin pensiyaların da vaxtında veriləcəyini vurğulayıb.