Biləsuvarda şəhid qardaşı ilə şəhid bacısı evləndilər
23 Noyabr 2026, 00:24
Qaynar xətt:
(+99450) 247 90 86
CƏMİYYƏT
1054
02.11.2026, 22:48
Yaxın gələcəkdə Moskva ilə Bakı arasında 14 günlük lüks kruiz gəmi marşrutunun fəaliyyətə başlaması planlaşdırılır. Xəzər regionunda turizm imkanlarının genişləndirilməsinə xidmət edəcək bu layihə ölkəmizin beynəlxalq turizm bazarındakı mövqeyini keyfiyyətcə yeni mərhələyə qaldırmaq potensialına malikdir. Səyahətlərin lüks sinif gəmilərlə təşkili yüksək gəlirli turist seqmentinin Azərbaycana cəlb olunmasına və daxili bazarda xidmət sektorunun canlanmasına zəmin yaradacaq. Xarici qonaqların hotellər, restoranlar, nəqliyyat və əyləncə obyektlərinə artan tələbatı yerli sahibkarlığın inkişafına birbaşa müsbət təsir göstərəcək. Eyni zamanda, Bakı limanının beynəlxalq kruiz şəbəkəsinə inteqrasiyası Azərbaycanın regional nəqliyyat-turizm qovşağı kimi strateji əhəmiyyətini daha da gücləndirəcək. Layihənin uğurlu realizasiyası regional ekskursiya marşrutlarının şaxələndirilməsini və liman infrastrukturunun yüksək beynəlxalq standartlara uyğunlaşdırılmasını tələb edir. Düzgün planlaşdırma və effektiv təbliğat strategiyası sayəsində bu marşrut Xəzəryanı ölkələr arasında yeni əməkdaşlıq platformasının təməlini qoya bilər. Yekun nəticədə Moskva–Bakı kruiz xətti ölkəyə valyuta axınını artırmaqla yanaşı, yeni iş yerlərinin açılmasına və Azərbaycanın beynəlxalq turizm imicinin yüksəlməsinə mühüm töhfə verəcək.
Mövzu ilə bağlı Oxu24.com-a açıqlama verən turizm üzrə ekspert, Azərbaycan Turizm Agentlikləri Assosiasiyasının Turistlərə Maarifləndirmə və Dəstək Komitəsinin rəhbəri Rəhman Quliyev bildiriib ki, Moskva Bakı arasında 14 günlük kruiz səfərlərinin təşkili Azərbaycanın turizm sənayesi üçün perspektivli və strateji əhəmiyyət daşıyan təşəbbüsdür.
Onun sözlərinə görə, bu layihə ölkəmizin turizm məhsullarının şaxələndirilməsinə və yeni turist seqmentlərinin cəlb olunmasına şərait yarada bilər. Xüsusilə lüks kruiz gəmiləri ilə səyahət edən turistlər yüksək gəlirli turist kateqoriyasına aid olduğundan onların ölkə iqtisadiyyatına töhfəsi əhəmiyyətli ola bilər. Xarici turistlərin Azərbaycanda hotellərə, restoranlara, nəqliyyat və əyləncə xidmətlərinə tələbatının artması sahibkarlığın inkişafına müsbət təsir göstərəcək.
Eyni zamanda Rəhman Quliyev qeyd edib ki, Bakı limanının beynəlxalq turizm marşrutlarında tanıdılması ölkəmizin Xəzər regionunda mövqeyini gücləndirə bilər. Bu marşrut Azərbaycanın beynəlxalq turizm bazarında yeni və fərqli turizm istiqaməti kimi tanıdılmasına xidmət edə bilər:
“Layihənin uğurlu olması üçün Bakı limanında müasir sərnişin infrastrukturu, gömrük və sərhəd-keçid prosedurları, turistlərə xidmət səviyyəsi yüksək standartlara uyğunlaşdırılmalıdır. Kruiz turistləri üçün Bakı ilə yanaşı, Şamaxı, Qobustan və digər bölgələrə ekskursiya proqramlarının hazırlanması vacibdir”.
Ekspert hesab edir ki, bu təşəbbüs gələcəkdə Xəzəryanı ölkələr arasında kruiz turizmi əməkdaşlığının genişlənməsinə və yeni beynəlxalq marşrutların yaranmasına təkan verə bilər:
“Ümumilikdə, Moskva–Bakı kruiz layihəsi düzgün planlaşdırılarsa, Azərbaycanın turizm gəlirlərinin artmasına, yeni iş yerlərinin açılmasına və ölkəmizin beynəlxalq turizm imicinin güclənməsinə mühüm töhfə verə bilər".
Çimnaz Telmanqızı
00:24 / 23 Noyabr 2026
48
00:11 / 23 Noyabr 2026
67
23:56 / 22 Noyabr 2026
71
23:43 / 22 Noyabr 2026
276
23:28 / 22 Noyabr 2026
276
23:26 / 22 Noyabr 2026
95
22:59 / 22 Noyabr 2026
363
22:36 / 22 Noyabr 2026
135
22:08 / 22 Noyabr 2026
935
21:14 / 22 Noyabr 2026
159
21:06 / 22 Noyabr 2026
166
20:56 / 22 Noyabr 2026
1494
20:30 / 22 Noyabr 2026
511
19:33 / 22 Noyabr 2026
1081
19:20 / 22 Noyabr 2026
164
19:05 / 22 Noyabr 2026
1402
18:54 / 22 Noyabr 2026
151
18:49 / 22 Noyabr 2026
188
18:21 / 22 Noyabr 2026
482
18:16 / 22 Noyabr 2026
226
18:02 / 22 Noyabr 2026
187
17:59 / 22 Noyabr 2026
177
16:38 / 22 Noyabr 2026
239
© 2026 Oxu24.com Müəllif hüquqları qorunur.