Telefonlar və məişət əşyaları xərçəng yaradır? - Həkimdən VACİB AÇIQLAMA  

Müasir dövrdə texnologiyanın həyatımıza sürətlə daxil olması ilə birlikdə müxtəlif mif və yanlış inanclar da geniş yayılmağa başlayıb. Xüsusilə mobil telefonlar, mikrodalğalı sobalar və plastik qabların insan sağlamlığına təsiri hər zaman müzakirə mövzusu olub. Gündəlik həyatda hər gün istifadə etdiyimiz bu əşyaların xərçəng yaradıb-yaratmaması cəmiyyəti daim narahat edən əsas məsələlərdəndir.

Lakin mütəxəssislər qeyd edirlər ki, bu barədə yayılmış məlumatların bir çoxunun real və ya mif olduğunu dəqiq bilmək vacibdir. Məsələn, telefonların birbaşa xərçəng yaratması ilə bağlı elmi araşdırmalar hələ ki kifayət qədər güclü sübut ortaya qoymur. Həmçinin mikrodalğalı sobaların yeməkləri radioaktiv etməsi fikri də həqiqəti əks etdirməyən geniş yayılmış miflərdən biridir. Bununla belə, plastik qablarda yemək isidildiyi zaman kimyəvi maddələrin xaric olaraq qidaya qarışması ehtimalı diqqətdən kənarda qalmamalıdır. 

Mövzu ilə bağlı Oxu24.com-a danışan ümumi cərrahiyyə uzmanı Dr. Elçin Əlizadə bildirib ki, gündəlik həyatda istifadə olunan bəzi əşyalarla bağlı cəmiyyətdə ciddi yanlış anlaşılmalar mövcuddur. Mütəxəssis məsələləri ayrı-ayrılıqda təhlil edərək aşağıdakı vacib məqamlara diqqət çəkib:

•Mobil telefonlar və xərçəng riski: Telefonun xərçəng yaratması haqqında elmi araşdırmalar mövcuddur, lakin bu iddianı dəstəkləyən güclü bir sübut hələ ki yoxdur.

•Mikrodalğalı sobalar mifdir ya həqiqət? Cəmiyyətdə mikrodalğalı sobanın yeməkləri radioaktiv etdiyinə dair geniş yayılmış bir mif var. Lakin bu, tamamilə yanlışdır – mikrodalğalı soba yeməkləri radioaktiv etmir.

•Plastik qabların gizli təhlükəsi: Ən əsas məsələlərdən biri məhz plastik qablardır. Plastik qabların xərçəng yaratma ehtimalı vardır. Xüsusilə plastik qablarda yemək isitdiyimiz zaman kimyəvi maddələr xaric olur və bu maddələr qidaya qarışaraq sağlamlığımıza mənfi təsir göstərir.

Dr. Elçin Əlizadə xatırladıb ki, insanları yanlış istiqamətə yönəldən miflərə aldanmaq əvəzinə, həqiqi təhlükələrə diqqət yetirmək lazımdır. Həkim xərçəng riskini artıran ən əsas faktorları açıqlayıb:

•Siqaret istifadəsi

•Spirtli içkilərin qəbulu

•Piylənmə (artıq çəki)

•Gecikdirilmiş müayinələr

Mütəxəssis vurğulayıb ki, vaxtında olunan müayinələr hər zaman həyat qurtarır və erkən diaqnoz sayəsində bir çox xəstəliklərin qarşısını almaq mümkündür.

      Nigar

Həmçinin oxuyun

“Eşref Tek”in tərəf müqabili o olacaq 

Son dərəcə sərt qış qapıdadır 

Azərbaycanda molla arvadını qətlə yetirdi

Milli Məclis mühüm qərarlar QƏBUL EDİB -SİYAHI