Alyona Əliyeva sərgidə -FOTOLAR
23 Noyabr 2026, 00:11
Qaynar xətt:
(+99450) 247 90 86
CƏMİYYƏT
310
22.09.2026, 20:55
Polşada tarixi və arxeoloji əşyalar axtaranlar üçün yeni sistem hazırlanır. 2027-ci ildə istifadəyə verilməsi planlaşdırılan tətbiq vasitəsilə dəyərli tapıntılar barədə məlumat verən şəxslərə böyük məbləğdə pul mükafat ödənilməsi nəzərdə tutulur.
Oxu24.com xəbər verir ki, Polşa Mədəniyyət və Milli İrs Nazirliyi detektor istifadəçilərinin axtarış icazələri ilə bağlı prosedurları asanlaşdırmaq üçün Rəqəmsallaşma Nazirliyi ilə birlikdə mobil tətbiq üzərində işləyir.
2027-ci il yanvarın 1-də istifadəyə verilməsi planlaşdırılan sistem həvəskar axtarış aparan şəxslərə uzunmüddətli bürokratik prosedurları gözləmədən tətbiq vasitəsilə fəaliyyətləri barədə məlumat verməyə imkan yaradacaq.
2023-cü il iyulun 13-də qəbul edilən hüquqi tənzimləməyə əsaslanan yeni sistemdə Voyevoda Tarixi Əsərlər üzrə Mühafizə İdarəsinin əvvəlki təsdiq prosedurunun aradan qaldırılması nəzərdə tutulur.
Yeni modelə əsasən, istifadəçilər mobil tətbiq vasitəsilə axtarış barədə bildiriş göndərdikdən sonra fəaliyyətə başlaya biləcəklər.
Hazırlanan qaydalar çərçivəsində tarixi və ya elmi baxımdan yüksək əhəmiyyət daşıyan tapıntılar barədə məlumat verən şəxslərə pul mükafatı verilməsi planlaşdırılır.
Standart mükafat məbləğinin orta əməkhaqqının 25 misli, yəni təxminən 230 min Polşa zlotısı olması nəzərdə tutulur.
İstisna hallarda mükafatın orta əməkhaqqının 30 mislinə qədər artırıla biləcəyi bildirilir.
Nazirliyin 2024-cü il üzrə proqnozlarına əsasən, mükafat proqramı üçün illik büdcənin 6,5 milyard zlotıya çata biləcəyi hesablanıb.
Polşanın Milli İrs İnstitutu və müxtəlif elmi dairələr yeni sistemin qeydiyyata alınmamış ərazilərdə dağıntılara səbəb ola biləcəyindən narahatlıq ifadə ediblər.
Mütəxəssislər hesab edirlər ki, mühafizə qurumlarının müdaxilə imkanlarının məhdudlaşdırılması və maddi təşviqlərin tətbiqi elmi metodologiyadan kənar axtarışların artmasına səbəb ola bilər.
Mədəniyyət və Milli İrs Nazirliyinin nümayəndələri isə bildiriblər ki, mövcud mətn parlamentdə irəli sürülən qanunvericilik təşəbbüsü əsasında hazırlanıb. Onların sözlərinə görə, arxeoloji irsin təhlükəsizliyini təmin etmək məqsədilə yeni hüquqi dəyişikliklər üzərində iş davam edir.
00:11 / 23 Noyabr 2026
34
23:56 / 22 Noyabr 2026
60
23:43 / 22 Noyabr 2026
197
23:28 / 22 Noyabr 2026
222
23:26 / 22 Noyabr 2026
87
22:59 / 22 Noyabr 2026
329
22:36 / 22 Noyabr 2026
127
22:08 / 22 Noyabr 2026
889
21:14 / 22 Noyabr 2026
152
21:06 / 22 Noyabr 2026
160
20:56 / 22 Noyabr 2026
1454
20:30 / 22 Noyabr 2026
501
19:33 / 22 Noyabr 2026
1070
19:20 / 22 Noyabr 2026
160
19:05 / 22 Noyabr 2026
1386
18:54 / 22 Noyabr 2026
147
18:49 / 22 Noyabr 2026
183
18:21 / 22 Noyabr 2026
475
18:16 / 22 Noyabr 2026
221
18:02 / 22 Noyabr 2026
184
17:59 / 22 Noyabr 2026
174
16:38 / 22 Noyabr 2026
237
16:29 / 22 Noyabr 2026
175
© 2026 Oxu24.com Müəllif hüquqları qorunur.