Məhkəmə Ekspertizası Mərkəzi ilə AzTU arasında memorandum imzalanıb 

Azərbaycan Respublikasında məhkəmə ekspertizası sahəsinin müasir çağırışlara uyğun inkişaf etdirilməsi, yüksəkixtisaslı ekspert kadrların hazırlanması və elmlə praktikanın vəhdətinin gücləndirilməsi məqsədilə Ədliyyə Nazirliyinin Məhkəmə Ekspertizası Mərkəzi ilə Azərbaycan Texniki Universiteti arasında Əməkdaşlıq Memorandumu imzalanıb.

Nazirlikdən Oxu24.com-a verilən xəbərə görə, Memoranduma əsasən qurumlar məhkəmə ekspertizası sahəsində insan resurslarının hazırlanması, tələbələrin praktiki bilik və bacarıqlarının artırılması, elmi-tədqiqat fəaliyyətinin təşviqi, innovativ texnologiyaların ekspertiza proseslərinə inteqrasiyası və birgə elmi nəşrlərin hazırlanması istiqamətlərində əməkdaşlıq edəcəklər.

Nazirlikdən Oxu24.com-a verilən xəbərə görə, Memoranduma əsasən qurumlar məhkəmə ekspertizası sahəsində insan resurslarının hazırlanması, tələbələrin praktiki bilik və bacarıqlarının artırılması, elmi-tədqiqat fəaliyyətinin təşviqi, innovativ texnologiyaların ekspertiza proseslərinə inteqrasiyası və birgə elmi nəşrlərin hazırlanması istiqamətlərində əməkdaşlıq edəcəklər.

Əməkdaşlıq çərçivəsində Azərbaycan Texniki Universitetinin informasiya texnologiyaları, telekommunikasiya, maşınqayırma, metallurgiya, nəqliyyat, logistika və energetika ixtisasları üzrə təhsil alan tələbələri Məhkəmə Ekspertizası Mərkəzində təcrübə keçmək imkanı əldə edəcəklər, həmçinin müvafiq sahələr üzrə ekspertlərin hazırlanmasına yönəlmiş xüsusi təlim proqramları həyata keçiriləcəkdir. Eyni zamanda, məhkəmə-kompüter texniki ekspertizası, yol-nəqliyyat hadisələrinin ekspertizası, yanğın və texnoloji partlayışların tədqiqi kimi aktual istiqamətlər üzrə birgə elmi layihələrin və ixtisasartırma proqramlarının reallaşdırılması nəzərdə tutulur.

Memorandum, həmçinin məhkəmə ekspertizası sahəsində elmi biliklərin genişləndirilməsi, təhsil və praktika arasında əlaqələrin möhkəmləndirilməsi, gənc mütəxəssislərin ekspert fəaliyyətinə cəlb olunması və ölkədə ekspertiza fəaliyyətinin beynəlxalq standartlara uyğun inkişafına töhfə verəcək mühüm əməkdaşlıq platforması formalaşdırır.

Qeyd edək ki, Əməkdaşlıq Memorandumu Azərbaycan Respublikası Prezidentinin 11 dekabr 2025-ci il tarixli Sərəncamı ilə təsdiq edilmiş “Azərbaycan Respublikasında məhkəmə ekspertizası sahəsinin inkişafına dair 2026–2030-cu illər üçün Konsepsiya”da nəzərdə tutulan tədbirlərin, o cümlədən məhkəmə eksperti ixtisası üzrə tələb olunan baza ali təhsil sahələrinin müəyyənləşdirilməsi və bu sahələr üzrə ixtisaslı kadrların məhkəmə ekspertizası fəaliyyətinə cəlb edilməsi istiqamətində işlərin həyata keçirilməsi məqsədilə imzalanıb.

Həmçinin oxuyun

Xanımına onu aradan götürəcəklərini deyibmiş -Həmin kasetdə nə olub?

Bazar günü ilə bağlı ölkə boyu xəbərdarlıq EDİLDİ

Azərbaycan bu ölkəyə başsağlığı verdi

16 avqustda bizi nələr gözləyir? — ULDUZ FALI