Ödəniş edib əsgərliyə getmək istəməyənlərin nəzərinə 

Azərbaycanda müddətli həqiqi hərbi xidmətə çağırış qanunla məcburi olsa da, gələcəkdə müəyyən şərtlər daxilində ödəniş əsasında hərbi xidmətdən azadolma mexanizminin tətbiqi mümkün görünür. Türkiyə modelinə uyğun sistemin Azərbaycanda da tətbiqi yaxın illərdə gündəmə gələ bilər.

Oxu24.com  xəbər verir ki, bu fikirləri Konkret.az-a açıqlamasında hərbi ekspert Üzeyir Cəfərov səsləndirib.

“Hazırkı qanunvericilikdə vətəndaşın pul ödəyərək hərbi xidmətə getməməsinə imkan verən hər hansı norma yoxdur. Lakin alternativ xidmət haqqında qanunun hələ də tam qəbul edilməməsi bu istiqamətdə yeni dəyişikliklərin mümkünlüyünü gündəmdə saxlayır”.

Ekspert bildirib ki, bir sıra ölkələrdə olduğu kimi Azərbaycanda da müəyyən kriteriyalara cavab verən şəxslər üçün ödənişli hərbi xidmət və ya alternativ xidmət mexanizmi tətbiq ediləcək:

“Hazırda qanunvericilik buna imkan vermir. Amma gələcəkdə bu məsələyə baxılacaq. Böyük ehtimalla qardaş Türkiyədə, Gürcüstanda və digər ölkələrdə olduğu kimi onların təcrübəsinə əsasən belə metod tətbiq edilə bilər. Bunun üçün qanunvericilik uyğunlaşdırılmalıdır”.

Ü.Cəfərov qeyd edib ki, alternativ xidmət haqqında qanun uzun müddətdir müzakirə olunsa da, hələ yekunlaşdırılmayıb.

“Dini etiqadı, fiziki göstəriciləri və ya digər səbəblərlə hərbi xidmət keçə bilməyən şəxslər üçün alternativ mexanizm yaradılması həm dövlət, həm də vətəndaş baxımından faydalı olacaq.

Əgər hansısa vətəndaşın müəyyən səbəbdən hərbi xidmət keçmək imkanı yoxdursa, o şəxs müəyyən ödəniş etməklə dövlət qarşısındakı borcunu başqa formada yerinə yetirmiş sayılacaq”.

Hərbi ekspert əlavə edib ki, Azərbaycan Ordusunun türk modelinə uyğunlaşdırılması prosesi davam edir və bu istiqamətdə hüquqi dəyişikliklərin də gələcəkdə gündəmə gəlməsi mümkündür.

“Bu qanun yaxın gələcəkdə, bəlkə də bir neçə il ərzində qəbul oluna bilər. Amma burada əsas məsələ odur ki, hər kəs pul ödəyib hərbi xidmətdən yayına bilməyəcək. Bunun üçün konkret şərtlər və kriteriyalar müəyyən edilməlidir”, – deyə o, vurğulayıb.

Həmçinin oxuyun

Bakıdan bu istiqamətə axın başladı – Sentyabrda nə olacaq? 

17 avqustda bizi nələr gözləyir? - ULDUZ FALI

Avtobuslar istiqamətini dəyişdi -SAKİNLƏRİN NƏZƏRİNƏ!

Azərbaycanda general vəfat etdi