Qida vərdişlərimiz bizi xəstəliyə məhkum edir?  

Bu günün sürətli həyat tərzi ailələrin qidalanma vərdişlərinə ciddi təsir göstərir. Xüsusilə "fast-food"məhsullarının, keyfiyyətsiz yağların və emal olunmuş ət məhsullarının gündəlik menyuya daxil olması artıq adi hal alıb. Təəssüf ki, bu dəyişikliklərin ən ağır nəticələrini uşaqlar yaşayır.

Bu mövzu ilə bağlı Oxu24.com-a danışan sağlam qidalanma mütəxəssisi,dietaterapevt Elvira Şahinova bildirir ki, müasir dövrdə insanlar vaxt çatışmazlığından asan üsullarla hazırlana biləcək qidalara üz tutur. Onlardan biri işlənmiş qidalardır.

 "Bildiyimiz kimi qida sənayesi işlənmiş qidaların üzərində düşündüyümüzdən daha çox işləyir.Belə qidaların zərərləri saymaqla bitməz. Ancaq biz sağlam qida mütəxəssisləri çalışırıq insanlara çatdıraq ki,belə qidalar mədənin turşuluq səviyyəsini azaldır,bağırsaqların florasını pozmaqla orqanizmə böyük ziyan vurur.İşlənmiş qidaların tərkibində göstərilən mineral və vitaminlər təbii məhsullarda olduğu kimi bağırsaqlar tərəfindən sovrulmur,bu səbəbdən bədəndə vitamin və mineral çatışmazlığı yaranır. Bu isə öz növbəsində hormonlar ifrazına təsir edir.Bədənimizdə biz öz-özümüzə alan biləcəyimiz resursların qarşısını alırıq,və beləliklə bədənimizin özünü bərpa etməkdə çətinlik çəkir.Eləcə də bu qidaların tərkibinə qatılan duzlar insanlarda bir növ asılılıq yaradır.Bu da həddən çox qida qəbuluna gətirib çıxarır.

Uşaqların orqanizmi inkişaf mərhələsində olduğu üçün qəbul etdikləri qidanın keyfiyyəti onların həm fiziki, həm də zehni inkişafına birbaşa təsir edir. Zərərli qidalar isə vitamin və minerallarla kasad, lakin kalori baxımından zəngin olur. Bu da uşaqlarda piylənmə, immun sisteminin zəifləməsi, diqqət dağınıqlığı və hətta erkən yaşlarda xroniki xəstəliklərin yaranmasına səbəb ola bilər.Təbii qidalara üstünlük verin və sağlam qalın",-deyə mütəxəssis qeyd edir.

Hazırladı: Aysel

Həmçinin oxuyun

Bol yağışın dəhşətli səbəbi üzə çıxdı - İran görün nə edib... 

Zəlzələ OLDU

Bunu edənlər 1500 manat CƏRİMƏLƏNƏƏCK – AÇIQLANDI

SON DƏQİQƏ! Azərbaycan-İran sərhədi ilə bağlı YENİ QƏRAR