ÖZƏL!Müdafiə Nazirliyi rəsmi açıqlama verdi:Azərbaycanda bu şəxslərin hərbi xidmət QAYDASI  DƏYİŞƏCƏK 

Xəbər verdiyimiz kimi, Azərbaycanda 600+ bal toplayan şəxslər "intellektual bölmələrdə" xidmət edəcək.

Ali təhsilli çağırışçılar üçün hərbi xidmət qaydaları yeniləndi. Artıq yüksək akademik nəticə göstərən gənclər xidmətlərini fərqli statusda yerinə yetirə biləcəklər.

Bəs,bu necə həyata keçiriləcək?

Məsələ ilə bağlı Oxu24.com Müdafiə Nazirliyinə sorğu ünvanlayıb.

Nazirlikdən  suallarımıza cavab olaraq bildirilib ki,bu məqsədlə Milli Müdafiə Universitetinin tabeliyində İntellektual qabiliyyətli bölmələr yaradılıb.

“Müdafiə Nazirliyinin strukturunda informasiya texnologiyaları və kibertəhlükəsizlik, radioelektron mübarizə və kəşfiyyat, tibb, maliyyə, hüquq, təhsil və digər sahələrdə müasir texnologiyalardan istifadəni və yeni yanaşmaların tətbiqini təmin etmək üçün yüksək intellektual insan kapitalının formalaşdırılması məqsədilə müvafiq addımlar atılıb.

Bu məqsədlə, təhsildə yüksək göstəricilərə malik ali təhsilli müddətli həqiqi hərbi xidmət hərbi qulluqçularının potensialından səmərəli istifadə olunması üçün Milli Müdafiə Universitetinin tabeliyində İntellektual qabiliyyətli bölmələr yaradılıb.

Bu bölmələrdə bütün ixtisas qrupları üzrə ali təhsil müəssisələrinə Dövlət İmtahan Mərkəzi tərəfindən keçirilmiş qəbul imtahanlarından 600 və yuxarı bal toplayan, Azərbaycan Respublikası Nazirlər Kabinetinin 2019-cu il 20 may tarixli 229 nömrəli Qərarı ilə təsdiq edilmiş “Beynəlxalq və respublika fənn olimpiadalarının, beynəlxalq müsabiqələrin və yarışların siyahısı və onların qaliblərinin ali təhsil müəssisələrinə müsabiqədənkənar qəbulu Qaydası”nın şərtlərinə uyğun olan qaliblər xidmət edirlər.

Eyni zamanda, bu qayda cari təqvim ilindən əvvəlki təqvim ilinin nəticələrinə görə beynəlxalq reytinqi (“Times Higher Education World University Rankings”, “Academic Ranking of World Universities”) 500-cü yerdən aşağı olmayan xarici ali təhsil müəssisəsinin bakalavriat və ya magistratura proqramlarının məzunlarına da aiddir.

2024-cü ildən etibarən İntellektual qabiliyyətli bölmələrdə xidmət edən əsgərlər Müdafiə Nazirliyinin sturukturunda olan idarə və müəssisələrdə öz ixtisaslarına uyğun işlərə cəlb edilirlər”,-deyə açıqlamada qeyd olunur.

Çimnaz Telmanqızı

Həmçinin oxuyun

Bakıda tələbə olmaq neçəyə başa gəlir?   —  SORĞU +AÇIQLAMA

Gecə saatlarında meyiti tapılan 16 yaşlı  oğlan GÖRÜN  KİMDİR  —  FOTO

Mülk davası olanlar bu xəbəri oxusun: Bu,hüququnuz da var

Zeynəb Xanlarovanın arxiv videosu yayıldı: Nə deyib?