Bu müavinət artırıla bilər   —  EKSPERT ŞAD XƏBƏRİ AÇIQLADI

Əsgərliyə gedən şəxslərə 3500 manat müavinət veriləcək—DİQQƏT

Azərbaycanda hərbi xidmətə çağırılan gənclərin sosial müdafiəsinin gücləndirilməsi və onların tərxis olunduqdan sonra mülki həyata adaptasiyası dövlətin prioritet istiqamətlərindən biridir. Son dövrlərdə ictimaiyyətdə geniş müzakirə olunan əsgərliyə gedən şəxslərə 3500 manat məbləğində müavinətin verilməsi təklifi, yalnız maliyyə yardımı deyil, həm də gənclərin əmək bazarına inteqrasiyası baxımından mühüm əhəmiyyət kəsb edir.

Mövzu ilə bağlı Liberal İqtisadçılar Mərkəzinin sədri   Akif Nəsirli Oxu24.com-a  bildirib ki, bu cür müavinət qısa müddətdə gənclərin maliyyə yükünü azalda və hərbi xidmətdən sonra iş axtarışına daha rahat başlamalarına kömək edə bilər:

“Uzunmüddətli perspektivdə isə əmək bazarına təsir əsasən ondan asılı olacaq ki, bu vəsait bacarıqların artırılmasına və ya məşğulluğa keçidi dəstəkləyən başqa mexanizmlərlə tamamlanırmı? Əks halda təsir daha çox sosial xarakterli və müvəqqəti ola bilər.

Gələcəkdə məbləğin artırılması və ya sistemin dəyişdirilməsi mümkündür, çünki inflyasiya, yaşayış xərcləri və əmək bazarındakı dəyişikliklər bunu zəruri edə bilər. Eyni zamanda, dövlət daha hədəfli modellərə, məsələn təhsil, peşə hazırlığı və ya işəgötürənlərlə birgə proqramlara üstünlük verə bilər ki, müavinət daha davamlı nəticə versin”,-deyə ekspert qeyd edib.

-Qeyri-rəsmi işləyən gənclər üçün alternativ dəstək mexanizmləri olmalıdırmı?

"Qeyri-rəsmi işləyən gənclər üçün alternativ dəstək mexanizmləri vacibdir, çünki bu qrup çox zaman sosial təminat sistemindən kənarda qalır. Onlar üçün rəsmi məşğulluğa keçidi təşviq edən stimullar, sığorta dəstəyi və ya qısa müddətli təlim proqramları həm sosial ədaləti, həm də əmək bazarının şəffaflığını artıra bilər.

Müavinətin birdəfəlik verilməsi böyük ilkin xərcləri qarşılamaq üçün rahatdır, amma vəsaitin tez tükənməsi riski var. Aylıq ödəniş forması isə daha sabit dəstək yarada və planlı xərcləməni təşviq edə bilər. Hansının daha effektiv olması gənclərin real ehtiyaclarından və müavinətin hansı məqsədlə verilməsindən asılıdır”,-deyə o bildirib.

Çimnaz Telmanqızı

Həmçinin oxuyun

 SOCAR prezidentinin müşavirinə yüksək vəzifə verildi - Sabiq nazir rəhbər təyin olundu 

TƏCİLİ! AZAL bu istiqamətdə uçuşları ləğv etdi

Bu tarixdə qısa iş günü olacaq 

Azərbaycan rəsmən AÇIQLADI: Qatar yolunun açılması müzakirə olunur