Özünə 20 min manat maaş yazan Anar xan və 500 manatlıq “susan qullar”...   

Sovet dönəmində rayonumuzda bir məmur qadın vardı.  Onu necə olmuşdusa çaxır zavoduna  rəhbər seçmişdilər. Qadın da qadın olduğundan,  bir az da cahil , acğöz  olduğundan vəzifəyə seçildiyi ilk gündən darışır çaxır çənlərinə! Yəni, dövlətə verməli olduğu  məhsulu satır-sovur özü üçün pul  qazanır. Tez bir zamanda   “özünü tutur”.

Amma işçilərə- fəhlələrə nəinki, az maaş verir, həmçinin  müxtəlif bəhanələrlə maaşlarından pul da tuturdu. Axır günlərin bir günü işçinin biri, bu qayda ilə barışmayan fəhlə  Moskvaya- Mərkəzi komitəyə çaxır zavodunda baş verən  ədalətsizliyi yazır, göndərir. Moskvadan birbaşa  Ağdama  komissiya gələcəyi ilə bağlı  nəinki rayonda , elə respublikada da söhbət yayılır.  Sonra da məlum olur ki, bu acgöz qadın təxminən 20 ton yüksək keyfiyyətli  çaxırı aradan çıxarıb, çənlər boş qalıb. Deməli, qadın məmurun həbsi 100 faiz gerçək olacaq.  O vaxt Ağdamın təəssübünü çəkən kişilər olub. Könülləri razı olmayıb ki,  bir ağdamlı qadın  rusların əli ilə, qərarı ilə həbs edilsin, qolubağlı  “türmədə” otursun. O vaxt rayonda nə qədər  vəzifəsi olan  kişi-qadın , fərqi yoxdu, ağdamlılar   yığışırlar  o çənləri öz ciblərinin pulu ilə doldururlar. Komisiyya gələndə görür ki, əslində “ şikayət məktubu”  gerçək deyilmiş. 

Guya acgöz qadın məmur çaxır çənlərini boşaltmayıb, işçilərinə zülm etməyib. Uzun sözün qısası,  sovet hökümətinin mərkəzi olan Moskva, uzaq bir rayondan gələn məktuba adekvat cavab verməsi  vaxt bu rejimin ən yaxşı  tərəfi kimi xarakterizə olunurdu.

Bu gün mediamızın bir xəbəri  qarşıma çıxdı. Deməli, Azərbaycan Yerüstü Nəqliyyat Agentliyinin (AYNA) sədri Anar Rzayevin ayda 19 min 500 manat maaş alması barədə məlumatları, deyirəm. Yazırlar ki, Anar Rzayevin AYNA-dakı rəhbərliklə sıravi işçi arasında yaratdığı maaş fərqi 20 dəfədən çoxdur:”Belə ki, Anar Rzayevin müavinləri 10-15 min, şöbə rəhbərləri 7-10 min manat maaş aldığı halda, paytaxt küçələrindəki parkinqlərdə saatlarla ayaqüstü xidmət keçən işçilər 500-600 manata çalışır”.

 Burda iki məqam diqqətimizi  çəkir. 1-ci məqam Prezidentin etimadı ilə vəzifəyə gələn amma vəzifəyə gəldikdən sonra Prezidenti də, onun etimadını da qulaqardı edən, “vəzifəsində” özünü  “xan” hesab edən iri ranqlı məmurun  özbaşnalığı,  fürsətdən namərdçəsinə yararlanmağı   diqqətimizi çəkirsə, digər tərəfdən 500 manatlıq maaşa – zülmə 2021-ci ildən susan işçilərin  məzlumluğuna yanırıq. 

Məmura etiraz edə bilmirsinizsə, heç olmasa bir media nümayəndəsinə dərdinizi deyəydiniz? Mütləq bu haqsızlığın da üstünü media nümayəndələri açmalı idi?

 Xatırlayırsınız, AYNA İdarə Heyətinin sədri Anar Rzayevin çıxışını :"50 qəpik gedişhaqqı çox azdır"

 Yəqin ki, bu günlərdə Özünə 20 min manat maaş yazan  Anar xan və 500 manatlıq  “susan qullar”... 

Anar Rzayevin yadına salarlar ki,  AYNA sənin şəxsi  obeyktin deyil, dövlətin ən önəmli strateji  strukturudur!  

Həmçinin oxuyun

Yeni rəis müavini təyin edildi - ÖZƏL

Kamran Əliyevdən yeni TƏYİNAT   - FOTO

“Qarabağdan köçən ermənilər sərhəd bölgəsindən qaçırlar: Nə baş verir?”- Rey Kərimoğlu detalları açır  

Bu ailələrə şad xəbər - Aylıq yardım 422 manata çatdırıldı 

  Əntiqə Rəşid