"Kim özbaşına oxuyursa, deməli mədəniyyətsiz adamdır"   —    Yusif Nəğməkar   Niyaməddin Musayevin müdafiəsinə qalxdı

Günlərdir sosial şəbəkələrdə gündəm olan Təranə Qumralın qızı sözlərini səhv ifa etdiyi,sözləri Məmməd Araza,musiqisi Niyaməddin Musayevə məxsus “Dünya sənin,dünya mənim” mahnısı ətrafında müzakirələr bitmir.

Oxu24.com xəbər verir  ki, məsələyə tanınmış şair Yusif Nəğməkar CityPost.az-a açıqlamasında  münasibət bildirib.

“Xalq artisti Niyaməddin Musayev Azərbaycanda hər bir kəsin  sevimlisidir. Onun oxuduğu istənilən mahnını bu gün kim təkrar oxuyubsa yetərincə təkrarlaya bilməyib. Çünki O, oxuduğu hər mahnıya özünün möhürünü vurub. N.Musayevlə 40 ildən çoxdur ki, dostluq edirəm. Mənim 50-dən çox şeirimə mahnı bəstələyib və oxuyub. Niyaməddin mahnılarını elə yerdən, elə səslə, elə həznliklə oxuyur ki, mümkün deyil onun mahnılarını özü kimi təkrarlayasan. Niyaməddinin mahnılarını oxumaq üçün gərək səsin onun səsi kimi olsun. Belə səs də Azərbaycanda yoxdur axı...

Qaldı bu gün gündəmdə olan məsələyə... Kim kimin mahnısını oxumaq istəyirsə bir mənalı şəkildə müəllifdən icazə almalıdır. Ən azı müəllifin xəbəri olmalıdır. Kim özbaşına oxuyursa, deməli mədəniyyətsiz adamdır. O qıza qulaq asmışam. Bir dəfə “cütləşmiş” deyir, bir dəfə də “cütlənmiş”... Cütləşmək insana xas əlamət deyil axı. Heyvan cütləşər. Görünür onun yetərincə ədəbi və musiqi savadı yoxdur. 

Digər yandan mən bu müzakirələrin əleyhinəyəm. Bunların hamısı reklam olunmaq istəyənlərin işidir. Bu müzakirələr gedib – gedib bir müddətdən sonra səngiyəcək.

Bir dahi gəlib fikir söyləsə belə, bambılının biri yenə nəsə deyəcək və söhbət təzələnəcək, saqqız kimi uzanacaq. Lap Üzeyir bəy Hacıbəyli, Niyazi, Bəxtiyar Vahabzadə dirilib, gəlib bu məsələyə münasibət bildirsə belə, yenə səs kəsilməyəcək. Bayaq dediyim kimi, yenə 5-3 bambılı peyda olacaq, məsələ acı bağırsaq kimi uzanacaq.

Bilirsiniz, insan əsəbləşəndə illərlə ürəyində gəzdirdiyi sözləri dilə gətirir. Təxribatlara  getmək olmaz. Mən hər   iki tərəfi tanıyıram,hörmətim olduğu üçün deyirəm və onlara məsələyə soyuq başla yanaşmağı, təmkinli olmağı məsləhət görürəm".

Həmçinin oxuyun

Deputatdan pensiyaçılara ŞAD XƏBƏR

Ermənistanda saxlanılan Azərbaycan əsgərindən SON DƏQİQƏ XƏBƏRİ

Siyavuş Novruzovun gündəmə gətirdiyi MƏSƏLƏ: Sənədsiz evlərlə bağlı nə gözlənilir?

Texniki baxışla bağlı SÜRÜCÜLƏRƏ VACİB XƏBƏR: Həmin 20 günü...