Ruhu səmada, cismi dənizdə qalan Fəxrəddin və kapitan Əfqanın hekayəsi  

 Bu gün Azərbaycan ictimaiyyəti üçün acı günlərdən biridir.

Oxu24.com xəbər verir ki,  29 yanvar 2008-ci ildə Azərbaycan Hərbi Hava Qüvvələrinə məxsus MiQ-29 döyüş təyyarəsi təlim uçuşu zamanı qəzaya uğrayıb.

Hacı Zeynalabdin Tağıyev qəsəbəsindəki hərbi bazadan təlim uçuşu üçün havaya qalxan "MiQ-29" markalı döyüş təyyarəsi sahildən 6 km uzaqlıqda dənizə düşüb.

Qəza nəticəsində təyyarəni idarə edən hər iki pilot - Fəxrəddin Əsgərov və Əfqan Aslanov həlak olub.

Ə.Aslanovun cəsədi bir neçə gün sonra dənizdən aşkarlanıb.

1973 cü ildə Yeni Suraxanıda doğulub, qırıcı hərbi təyyarədə kapitan olub. 

Təəssüf ki, bu günə qədər F. Əsgərovun meyitini tapmaq mümkün olmayıb.  Məlumat üçün deyək ki,  Fəxrəddin  31 yaşında ikən polkovnik-leytenant rütbəsinə yüksəlib. 

Həmçinin oxuyun

Əliyev hər şeyi Pezeşkianın bircə zənginə qurban etdi... 

Məcburi evlilik cəhdi cinayət sayılır – Hüquqşünasdan AÇIQLAMA  

Qədr gecəsi oxunması tövsiyə  olunan dualar   -TƏRCÜMƏSİ İLƏ

Bayram süfrəsi neçəyə başa gəlir?   —  ARAŞDIRMA

Dövründə keçirilən hərbi paradların təşkilində yüksək fəallıq göstərmiş, Azərbaycan bayrağını Vətən səmasına çəkən ilk pilotlarımızdan olub. Həmin dövrün ən çox uçuş saatı olan pilotu olub.

Xidmət müddətində 24 iyun 2003-cü il tarixdə Azərbaycan Respublikası Prezidenti Heydər Əliyevin fərmanı ilə "Hərbi xidmətlərə görə” medalı, 25 iyun 2006-cı il tarixdə Azərbaycan Respublikası Prezidentinin adından, Azərbaycan Respublikası Müdafiə nazirinin əmri ilə "Hərbi xidmətdə fərqlənməyə görə” III dərəcəli medalı ilə təltif olunub. Fəxrəddin Əsgərova 14 ildən sonra – 2022-ci ildə  şəhidlik statusu verilib. Fəxrəddin Əsgərovun geriyə iki övladı qalıb. 

 İkinci MİQ-29  dəhşəti

 Bu hadisədən cəmi 11 il sonra - 2019-cu il iyulun 24-ü saat 22 radələrində plana uyğun olaraq gecə vaxtı təlim-məşq uçuşları keçirən Azərbaycan Hərbi Hava Qüvvələrinə məxsus MiQ-29 təyyarəsi ilə qəflətən rabitə əlaqəsi kəsilib və aviasiya vasitəsi radarlardan itib. Təyyarə Xəzər dənizinə düşüb. Qəza nəticəsində təyyarənin pilotu, polkovnik-leytenant Rəşad Atakişiyev itkin düşüb. Azərbaycan Müdafiə Nazirliyinin həmin il avqustun 19-da verdiyi məlumata görə, təyyarənin qara qutusu tapılıb. Bir gün sonra isə pilotun nəşi tapılıb. 2019-cu ilin 21 avqust tarixində Rəşad Atakişiyevin nəşi İkinci Fəxri xiyabanda dəfn edilib. 7 may 2021-ci ildə hərbi pilot polkovnik-leytenant Rəşad Atakişiyevə şəhid statusu verilib.

Bu hadisədən sonra hərbi mütəxəssisləri arasında müzakirələr başladı.  Bildirildi ki,  MİQ-29 hərbi təyyarələri Azərbaycanın əsas döyüş təyyarələridir:” Azərbaycan bu təyyarələri müxtəlif illərdə Ukraynadan alıb. Bu təyyarələr keçmiş SSRİ-də istehsal olunurdu. Bu təyyarələr köhnəlib, bir çox ölkələr, hətta Rusiyanın özü daha modern təyyarələrin istehsalına üstünlük verir. Ona görə də son qəzadan sonra Azərbaycanda belə fikirlər səslənir ki, MİQ-29 təyyarələrindən imtina etmək lazımdır. Çünki, Azərbaycanda olan 29 təyyarədən artıq 2-si qəzaya uğrayıb. Demək qəzalar davam edə bilər. Təsadüfi deyil ki, son qəzadan sonra Azərbaycan Hərbi Hava Qüvvələri MİQ-29-un uçuşlarını dayandırıb”.

 Bu gün səma qartallarımız Fəxrəddin Əsgərovun və Əfqan Aslanovun simasında bütün şəhidlərimizin ruhu qarşısında ehtiramla baş əyirik!

 Əntiqə Rəşid