Allahın özü üçün yaratdığı Kəlbəcər: 27 il işğalından yazdıq, indi də...   

Tam 27-28 il il Qarabağın hər köşəsi, hər dərəsi, hər dağı  ürəyimizin başındakı dağdan seçilməyib... Ağır, azman , yaralı...

 Ağdamlı  olsam da, xüsusən, Kəlbəcərin işğalı məndə bir yanğı oyatmışdı. Çünki babalı-nənəli günlərimdə 3 ay o dağlar, o meşələr, gül çəmənlər mənim oylağım olardu. Gözümü yumanda   çiyələk dərdiyim  o zümrüd meşə,  özümdən ağır  ağac   kötüklərini, necə deyərlər “hellan” etdiyim dağlar,  dağların zirvəsində qartaldan qorunmaq üçün sığındığm qayalıqlar , günün qızmarında  binəmizin uşaqları ilə  “Seyidbatıran” şəlaləsinə elə paltarlı-paltarlı girib çimməyimiz gözümün qarşısında əks olunurdu. 

Bəlkə nə vaxtsa, özümü unutmuşam, amma , nə kəndimizi, nə də Kəlbəcəri, nə də Kəlbəcərin  Taxtabaşı yaylağını unutmamışam. İndi də unuda bilmirəm. 

Sonra həyat elə gətirdi ki, jurnalist oldum. Əvvəl Kəlbəcərin xiffətin çəkirdimsə, jurnalist olandan sonra o xiffətimi, dərdimi , kədərimi qələmə, kağıza tökürdüm.  Düz 27 il  Kəlbəcəri ancaq bu sözlərlə anmağa gücümüz çatdı.

1.1936 kvadratkilometr Kəlbəcər rayonu 1993-cü il aprelin 2-də Ermənistan tərəfindən işğal olundu. 

2.Əhalisinin sayı 70 minə yaxın  olan Kəlbəcərin işğal zamanı   511 nəfər sakini həlak oldu, 321 nəfəri  isə itkin düşdü və girov götürüldü.

3.İşğal nəticəsində rayon mərkəzi, 150-yə yaxın kənd, həmçinin onlarla tarixi-mədəniyyət abidəsi, bir muzey, "İstisu" sanatoriyası dağıdıldı, rayona 761 milyon ABŞ dolları məbləğində ziyan dəydi. 

4.Kəlbəcər rayonunun işğalı o vaxt üçün Qarabağ müharibəsində Azərbaycanın ən böyük hərbi-strateji məğlubiyyəti idi. Bununla “Dağlıq Qarabağ”ın Ermənistana birləşdirilməsi faktiki olaraq başa çatdı.

5. Kəlbəcərin işğalından sonra BMT Təhlükəsizlik Şurası 822 saylı qətnamə qəbul etsə də, o qətnamə  27 il havadan asılı qaldı. BMT işğalçıya gözün üstə qaşın var demədi.

Həmçinin oxuyun

Nazirlər Kabinetidən MÜHÜM QƏRAR: Bu qayda dəyişdi

Kredit borcu olanların NƏZƏRİNƏ

Hakan Fidan Əraqçiyə xəbərdarlıq etdi

Ərdoğanın administrasiyasından İrana SƏRT REAKSİYA: "Cavab veriləcək!"

6.Kəlbəcərin misilsiz təbii sərvətləri düz 27 il talan edildi.

Siyahını artırmaq, uzatmaq  da olar. Amma uzatmıram, çünki son 5 ildə Kəlbəcər haqqında informasiyaları  xüsusi sevinclə yazıram:

1. Kəlbəcər Ali Baş komandan İlham Əliyevin rəhbərliy sayəsində Azərbaycan ordusunun misilsiz qəhrəmanlığı nəticəsində artıq azaddır.

2.Kəlbəcərdə böyük tikinti bumu artıq başlayıb. Şəhər yenidən və daha möhtəşəm şəkildə tikilir.

3. Kəlbəcərə köç başladı.

4.Kəlbəcərdə artıq sosial xidmətlər üzrə “DOST” mərkəzi, “Azərpoçt” şöbəsi, KOBİA, DMA və digər dövlət qurumları əhalinin xidmətinə verilib. Eyni zamanda 34 hektar ərazidə inşa edilən “İstisu” Müalicə-İstirahət Kompleksinin 2026-cı ildə istifadəyə verilməsi nəzərdə tutulur.

Bu gün isə əllərim sevinclə klavyaturaya  uzanır, daha bir xoş xəbər var: "Təbiətin ən saf halı, dağların əzəməti və müasir yaşayış standartları bir məkanda birləşir.

-Sıx meşələri, sərin havası, “İstisu” mineral suları və füsunkar dağ mənzərələri ilə məşhur olan Kəlbəcərin mərkəzində sizə yeni həyat tərzi təqdim edirik.

-“Kalbajar CITY” - təbiətlə harmoniyada qurulmuş premium yaşayış kompleksidir və rahat, təhlükəsiz, sağlam həyat üçün bütün detallar düşünülüb.

 -9 bloklu 6 müasir yaşayış binası

- Funksional planlaşdırılmış, işıqlı və komfortlu mənzillər

- Hər ailə üçün rahat qaraj və parklanma imkanları

- Qapalı, meyvə bağları ilə əhatələnmiş həyət

- 24 saat mühafizə sistemi

- Uşaq oyun meydançaları və ailəvi istirahət zonaları

-“Kalbajar CITY” - təhlükəsiz mühit, sağlam həyat tərzi və dəyərli investisiyadır. Burada hər detal sakinlərin rahatlığı və premium yaşayış üçün düşünülüb”.

 Kəlbəcərdə ev olmasa belə o cənnət məkanın hər qarışı belə insana xoşbəxtlik, dinclik gətirəcək qədər doğmadır, orada adi bir çadırda yaşamaq belə xöşbəxtliyin özüdür.

 Son olaraq, Avropada "Allah İtaliyanı özü üçün yaradıb" ifadəsi var. Deyilənə görə  böyük yazıçı  Mark Tven sitatlarında Allahın İtaliyanı Mikelancelonun ideyasına görə yaratdığı qeyd olunur. Avropada bu  ifadə İtaliyanın gözəlliyinə verilən yüksək bir qiymətdir.

Bir dəfə yazıçı Aqil Abbas demişdi ki, Allah Azərbaycanı azərbaycanlılar üçün yaradıb, Kəlbəcəri özü üçün... Mark Tvendən qaynaqlansa da, Aqil Abbas haqlıdır.

Əntiqə Rəşid