Azərbaycanda sabiq deputat vəfat etdi - FOTO 

Azərbaycan parlamentinin keçmiş deputatı Əbdülhüseyn Hüseynzadə vəfat edib.

Oxu24.com  bildirir ki, bu barədə “Yeni Sabah” özəl mənbələrdən məlumat əldə edib.   

Ə.Hüseynzadə uzun sürən xəstəlikdən sonra 83 yaşında dünyasını dəyişib.

Mərhum Bakıda dəfn olunub.

Qeyd edək ki, sovet və Azərbaycan kimya sənayesi işçisi Əbdülhüseyn Məmməd Cəfər oğlu Hüseynzadə 1943-cü ildə anadan olub. 1973-cü ildə kimya sahəsi üzrə namizədlik dissertasiyası müdafiə edib.

1982-ci ildə Azərbaycan SSR Dövlət Mükafatı laureatı olub. 1983-cü ildə SSRİ Dövlət Mükafatına layiq görülüb. 12-ci çağırış Azərbaycan SSR Ali Sovetinin deputatı (1990-1995) olub.

O, karyerasına 1960-cı illərdə Vladimir İliç adına Yeni Bakı Neft Emalı Zavodunda operator kimi başlayıb, daha sonra həmin zavodda 23 nömrəli Neft Emalı Qurğusunun baş operatoru vəzifəsində çalışıb. Operator kimi yüksək məhsuldarlığa nail olub, rasionalizator təklifləri verib və planlaşdırılan hədəflərə vaxtından əvvəl çatıb və buna görə Lenin ordeni ilə təltif edilib.

1982-ci ildən Azərbaycan SSR Neft Emalı və Neft-Kimya Sənayesi Nazirliyinin (sonradan Azneftexim İstehsalat Birliyi) Vladimir İliç adına Yeni Bakı Neft Emalı Zavodunun direktoru vəzifəsində çalışıb.

1990-cı ildə Bakıdakı 59 saylı Babək Seçki Dairəsindən 12-ci çağırış Azərbaycan SSR Ali Sovetinə deputat seçilib. 9 fevral 1991-ci ildə Azərbaycanın yeni Konstitusiyasının hazırlanması komissiyasına üzv təyin edilib.

Həmçinin oxuyun

Bu halda işini itirənlər dövlətdən pul alacaq    —   ŞƏRTLƏR VƏ QAYDASI

SON DƏQİQƏ! TƏBİB-ə  rəhbər təyin olundu

Orban getdi, Peter Madyar gəldi: Macarıstanda yeni hakimiyyət Azərbaycanın maraqlarına necə təsir edəcək?  —  TƏHLİL

Nazirlər Kabinetindən yeni QƏRAR:  Sentyabrın 1-dən qüvvəyə minir

1992-ci ilin oktyabrında o, Yeni Bakı Neft Emalı Zavodunun (Heydər Əliyev adına Neft Emalı Zavodu) direktoru vəzifəsindən azad edilib.

1992-ci ilin noyabrında Azərbaycan Baş Prokurorluğu araşdırmaya başlayıb və nəticədə məlum olub ki, Ə.Hüseynzadə 1992-ci ilin oktyabrında xaricə səfərdə olarkən əvvəllər direktor vəzifəsində çalışdığı müəssisəyə məxsus sənədləri saxtalaşdırıb və xarici hesabda saxlanılan dövlət vəsaitlərini mənimsəməyə cəhd edib. 1992-ci ildə noyabrın 25-də Ali Sovet Əbdülhüseyn Hüseynzadənin deputat toxunulmazlığından məhrum edilməsi və həbsinə razılıq verilməsi məsləsinə baxıb.

İclasda xalq deputatı Əbdülhüseyn Məmməd Cəfər oğlu Hüseynzadənin cinayət məsuliyyətinə cəlb edilməsinə və həbs edilməsinə razılıq verilməsi haqqında qərar qəbul olunub. Qərarı Ali Sovetin sədri İsa Qəmbər imzalayıb və qüvvəyə minib.

Ə.Hüseynzadə bir müddət sonra azadlığa buraxılıb.

Prezident İlham Əliyevin 2017-ci il noyabrın 7-də imzaladığı sərəncam ilə Azərbaycanda neft yataqlarından sənaye üsulu ilə iki milyardıncı ton neftin hasil edilməsi münasibətilə bu sahədə uzunmüddətli səmərəli fəaliyyət göstər görə Ə.Hüseynzadəyə Azərbaycan Prezidentinin fərdi təqaüdü verilib.

Əbdülhüseyn Hüseynzadə Azərbaycanın NATO yanında Nümayəndəliyinin başçısı Cəfər Hüseynzadənin atasıdır.