Qara görə məktəblər bağlana bilərmi? Təhsil eksperti mümkün ssenariləri açıqladı

CƏMİYYƏT

211

20.01.2026, 13:00

Artıq hava şəraitinin getdikcə sərtləşməsi, bölgələrdə qar yağması və paytaxt Bakıya da qarın gözlənilməsi cəmiyyətdə müəyyən narahatlıqlar yaradıb. Xüsusilə valideynləri və şagirdləri maraqlandıran əsas suallardan biri məktəblərin bağlanıb-bağlanmayacağı və hansı hallarda tədrisin dayandırılmasının mümkün olmasıdır.

Mövzu ilə bağlı təhsil eksperti Məzahir Məmmədli Oxu24.com-a açıqlama verib.

Təhsil eksperti Məzahir Məmmədli sözlərinə görə, tədris prosesi Nazirlər Kabineti tərəfindən təsdiqlənmiş qaydalara uyğun şəkildə həyata keçirilir.

Ekspert bildirib ki, fövqəladə hallarda – istər sərt hava şəraiti, istərsə də digər çıxılmaz vəziyyətlər yarandıqda – müvafiq qərarların verilməsi səlahiyyəti yerli icra orqanlarına aiddir.

Həmçinin oxuyun

Uşaqlar qrip olur, dərslər necə davam edəcək?

"Azərişıq" yenə ümidləri doğrultmadı: Qarlı havada əhali İŞIQSIZ QALIB

Bakıda dəhşət YAŞANDI: İki bacı bir yerdə ÖLDÜ

Qara görə məktəblər bağlana bilərmi? Təhsil eksperti mümkün ssenariləri açıqladı

Bu hallarda Elm və Təhsil Nazirliyi, eləcə də regional idarələr vəziyyəti qiymətləndirərək tədrisin müvəqqəti dayandırılması və ya imtahanların tarixinin dəyişdirilməsi ilə bağlı qərar qəbul edə bilərlər.

Məzahir Məmmədov qeyd edib ki, pandemiya dövründə də bu cür hallarla rastlaşılmışdı və bəzi bölgələrdə tədris prosesinə hissə-hissə məhdudiyyətlər tətbiq olunmuşdu. Onun sözlərinə görə, fövqəladə vəziyyət bütün ölkəni əhatə etmədiyi təqdirdə, qərarlar ümumi deyil, regional xarakter daşıya bilər.

Ekspert əlavə edib ki, Elm və Təhsil Nazirliyi zərurət yarandığı halda, müəyyən bölgələrdə tədrisin dayandırılması ilə bağlı yerli icra orqanları ilə razılaşdırılmış qərarlar verə bilər.

Hazırladı: Turan Etibaroğlu