Xanəndədən Şərif Ağayara sərt cavab: "Deyib, ya dedirdiblər..."

$Xanəndədən Şərif Ağayara sərt cavab: \"Deyib, ya dedirdiblər...\"$

CƏMİYYƏT

1126

19.01.2026, 14:57

Yazıçı Şərif Ağayar sosial şəbəkədə muğam və xanəndələr haqqında sərt fikirlərini paylaşaraq, bəzi ifaçıları tənqid etmişdi. Onun yazısında muğamın köhnə estetikaya aid olduğu, bəzi xanəndələrin səslərini “zorladığı” iddia olunurdu.

Məsələ ilə bağlı tanınmış xanəndə və Akademik Opera və Balet Teatrının solisti Əməkdar artist Elnur Zeynalov Oxu24.com-a açıqlama verib:

“Rastıma çıxmışdı, oxudum, adamın kifayət qədər musiqidən anlayışı var. Öz fikridir deyib, ya dedirdiblər, bu, ayrıca məsələdir. Hətta ünvanlı da söz atmışdı, sətir altıda Ağdam oxuyanlarına ilişib, etikadan kənar danışıb. Yenə də kimə deyibsə, onlar özləri fikirlərini bildirərlər yəqin ki...”

Xanəndə daha sonra əlavə edib ki, Heydər Əliyev Fondu tərəfindən keçirilən Muğam müsabiqələrinə, ümumən muğamımıza bu kimi fikirlər kölgə salır: “Baxın, 2005-ci ildən muğam müsabiqələri keçirilir, özüdə Mehriban xanımın dəstəyi ilə birbaşa. Muğam bizim kökümüzdür, kim muğam dinləyirsə və bacarırsa, o əsl Azərbaycan türküdür. Onun işi yazmaqdır, inanın ki, hörmətlə yanaşıram. Amma şəxsiyyətə toxunmaq olmaz. Heydər Əliyev Fondu tərəfindən keçirilən Muğam müsabiqələrinə, ümumən muğamımıza bu kimi fikirlər kölgə salır. Birbaşa dövlətə qarşı çıxmaqdı.”

Hazırladı: Turan Etibaroğlu

Həmçinin oxuyun