İranda getdikdə gərginləşən VƏZİYYƏT: Azərbaycana qaçqın axını gözlənilirmi? — Politoloqla MÜZAKİRƏ

CƏMİYYƏT

248

15.01.2026, 13:47

Xəbər verdiyimiz kimi,bir neçə gündür ki,qonşu İran ağır siyasi böhran yaşayır.

Ölkədə ciddi etirazlar davam edir. Ölənlərin sayı durmadan artır.

Siyasi böhran və ABŞ-nin davamlı təyziqləri İrandakı gərginliyi daha da artırır.Azərbaycana qonşu olan ölkədə yaşananlar bizə necə təsir edə bilər?

İranda baş verən hadisələr Azərbaycanı qaçqın problemi ilə üz-üzə qoya bilərmi?

Mövzu ilə bağlı Oxu24.com-a danışan politoloq Turan Rzayev bildirib ki,hazırda İranda baş verən etiraz aksiyaları artıq Güney Azərbaycan bölgəsinə də sirayət edib.

"Bununla belə, aksiyaların əsas mərkəzi daha çox farsların kompakt yaşadığı ərazilərdir. Ümumilikdə etirazların mahiyyəti fars əhalisi ilə mövcud teokratik rejim arasında qarşıdurma üzərində qurulub. Rejimin buraxdığı ciddi siyasi və iqtisadi səhvlər, eləcə də bu səhvlərin nəticəsində tətbiq olunan sanksiyalar ümumi narazılığı daha da dərinləşdirib",-deyə politoloq bildirib.

Həmçinin oxuyun

Elçin Alıoğlu: “Şirqulaminin “hədəsi” ABŞ-ın hərbi baza qurmaq ehtimalından deyil, daha dərin səbəblər var”

Bakıda binada yanğın başlayıb

Nazirliyinin idarə rəisi vəzifəsindən azad edildi - FOTO

Hava xəbərdarlığı: Bu gecədən etibarən...

Güney Azərbaycanın bu proseslərə münasibəti necədir?

Politoloq Turan Rzayevin sözlərinə görə,Güney Azərbaycanda mövcud hadisələrə yanaşma birmənalı deyil. Burada vahid mövqe və ya ortaq liderlik mövcud deyil.

"Bir qrup insan müstəqillik ideyasını dəstəkləyir, digər qrup İraqdakı Kürdüstan modeli kimi geniş muxtariyyətin tərəfdarıdır. Bəziləri yalnız mədəni muxtariyyətin kifayət etdiyini düşünür, başqa bir qisim isə ümumiyyətlə Güney Azərbaycanın ayrıca statusa ehtiyacı olmadığını, əksinə Azərbaycan və türk elitasının İran hakimiyyətində yetərincə təmsil olunduğunu və zamanla bu sistem daxilində ölkəyə hakim olacağını iddia edir.

Bu fikir ayrılıqları və vahid liderliyin olmaması Güney Azərbaycanın hazırkı proseslərdə daha passiv mövqedə qalmasına səbəb olur",-deyə Turan Rzayev bildirib.

Hazırladı: Turan Etibaroğlu